Mateo 8:29 - U Maganda A Baheta Ni Jesu-Cristo

²⁹ Pagdaka hide a pinumakhaw “Anak nu Diyos ánya u gimitán mo nikame? Inumangay ka beman he para parusaan kami maski awan padla odas nu pághirap me?”

Mateo 8:29 Referans Kwoze

Markos 1:24

“Ánya pák-alam muway nikame, Jesus a taga-Nazaret? Immangay kabe man he para puksaán mu kame? Tukoy taka, hiko u Banal a gábwat tu Diyos.”

Lukas 4:34

“Jesus a taga-Nazaret,” kagi na, “Ánya i pák-alam muway nikame? Ummangay ka beman he para bunuwán mo kame? Tukoy ko ni deya ka, hiko u Banal a Anak nu Diyos.”

Santiagu 2:19

Awan beman maniwala kam a eessa la u Diyos? Maganda ina! Pero isipán tam a maskin u dimonyo hide ay maniwala be tu Diyos, sakay magpágpág pa ngane hide ti ánteng.

Markos 5:7

Sakay pinumákhaw siya ti mabegsák, kinagi na, “Jesus, Anak nu Kataas-taasan a Diyos, ánya i pákalam muway nikán? Ipananto mo tu ngahan nu Diyos a awanák mo pahirapan!”

Lukas 8:28

Pákketa na ni Jesus ay pimmákhaw siya sakay limmuhud tu atubang na. Sakay kinagi na ti mabegsák, “Jesus a Anak nu Diyos a dakila, ánya pák-alam muway nikán? Kagbiyanák mo ped, dyanák mo parusaan.”

2 Pedro 2:4

Dipo maski u anghel hide ay awan pinatawad nu Diyos nikuna nagkasala hide. Nan, intápduk na hide tu madisalad sakay madiham a ábbut tánni he di dán hod a uhayán u Aldew nu Pághatul.

Mateo 4:3

Sakay immangay nikuna ti Satanas sakay kinagi na “Ni tatahoden a hiko u Anak nu Diyos ay ipeta mo. Gimitán mo a makan i bitowe hide.”

Juan 2:4

Sakay kinagi ni Jesus nikuna, “Ináng-Ináng dyanák mo dipalonguwan, awan palla odas para ipeta ko u kapangyariyan ko.”

Lukas 4:41

Nágpapákhawán a limmuwas u mágkadukás a ispirito tu kakpalan nu tolay hide kinagi de, “Hiko u Anak nu Diyos!” Pero sinaway hide ni Jesus sakay awan na hide pinakultadan a magupos, dipo tukoy de a siya u Cristo.

Judas 1:6

Isipán moy be u anghel hide a awan nagtulos-tulos tu tungkulin de sakay inwahak u lugar a inyatád nide nu Diyos. Kaya ingapus hide nu Diyos ti kadena a awan mababágsot sakay impireso na hide tu tunay ti diklám a lugar hanggan tu káddemát nu Aldew nu Pághatul.

Gimet 16:17

Tagu-tagubetan na kame ay di Pablo, sakay mágpapákhawán ti konna he, “Iye hide a tolay u tagapagserbi nu Kataasan a Diyos! Immangay hidehe para ibaheta de nikam ni kodya kam a maligtas!”

Markos 3:11

Ni ketan siya nu tolay hide a sináddáp nu madukás a ispirito ay lumuhud hide tu atubang na sakay pumákhaw, “Hiko u Anak nu Diyos!”

Mateo 8:30

Nákkekagbi u demonyo hide “Dipo palakadán mu kami ay lalabba a utusan mu kami a somdáp ti babuye hide.” Dipo hod tu adeni de ay te makpal a babuy a manabsab.