Mateo 8:22 - U Maganda A Baheta Ni Jesu-Cristo

²² Pero tinábbeg siya ni Jesus “Kumuyog ka dán nikán nadid, ipabahala mu dálla u páglábbáng tu awan naniwala tu awan labe naniwala tu Diyos.”

Mateo 8:22 Referans Kwoze

Lukas 15:32

Pero dapat kitam a magsaya dipo u wadi mo a akala tam ay patay dan ay nagsole a huway, pero netan bila.”

Colosas 2:13

Tu itod, ay nebilang kam a patay dipo tu kasalanan moy hide. Pero nadid ay biniyag kamon nu Diyos a kaguman ni Cristo. Sakay pinatawad na u kasalanan tam hide.

Efeso 5:14

Sakay melantad u atanan dipo tu demlag. Kaya kinagi nu Kasulatan, “Lumukag ka hiko a tidug, Umikat ka a gábwat tu patay hide tánni demlagan ka ni Cristo.”

Efeso 2:5

Maske ni inturing na kitam a patay dipo tu págsuway tam ay biniyag na kitam a huway nikuna a biniyag na ti Cristo. Naligtas kam dipo la tu habag nu Diyos.

Efeso 2:1

Nadid, tu itod ay inturing kam nu Diyos a patay dipo tu kássuway sakay kasalanan moy hide.

1 Timoteo 5:6

Pero ni u bilo ay magbabalang ti kákkabiyag ay mebilang dán siya a patay maski biyag palla siya.

Juan 1:43

Nadid, tu sumunud a aldew ay naisip ni Jesus a umangay ti Galilea. Káddemát na hod ay netan na ti Felipe kanya kinagi na nikuna, “Mákkuyog ka nikán.”

Mateo 9:9

Nadid nikuna linumakad ti Jesus hod ay tinaleban na u essa a tolay a mággetnod tu lugar a págkulektaan ti buwes. Ti Mateo u ngahan nu tolay a tagakulekta ti buwes. Kinagi ni Jesus nikuna “Mákkuyog ka nikán para magin disepulus ko.” Kanya tinumaknág ti Mateo, linakaden na u tarabaho na. Sakay nákkuyog siya ni Jesus.

Mateo 8:21

Sakay nagtanung u essa pa a disepulus ni Jesus, “Panginoon, gusto ko a kumuyog niko, pero maariyák pa beman a soli tu bilay me tánni ilábbáng ko u ama ko?”

Markos 2:14

Mentaras a maglakad ti Jesus ay netan na a mággetnod tu págsingihan ti buwes ti Levi a anak ni Alfeo. Kinagi nikuna ni Jesus, “Mákkuyog ka nikán” Tummaknág be ti Levi sakay nákkuyog ngani nikuna.

Lukas 9:59

Káttapos ay kinagi ni Jesus tu essa, “Mákkuyog ka nikán, bilang disepulus ko.” Pero tummábbeg siya, “Panginoon, pakultadenak mupa a sole ta angay ku pa pelábbáng tama ko.”

Lukas 9:60

Pero kinagi na nikuna, “Ipebahala mu dán tu patay hide u páglábbáng tu kasapatay de hide. Pero hiko ay angay mo ibaheta u pághare nu Diyos.”

Lukas 15:24

Dipo akala ko ay natay dán i anak kuwan iye, pero biyag pabballa, nawan, pero netan bila.’ Kanya nagsaya hide.

Juan 21:19

Kinagi iye ni Jesus para ipaliwanag na ni Pedro ni kodya siya a matay, sakay ni kodya na a maparangalan u Diyos. Kanya kinagi ni Jesus ni Pedro, “Ahiganák mo.”

Juan 21:22

Timmábbeg ti Jesus, “Ni gustuwán ko a mabiyag siya hanggan tu kássole ko, ay maánya beman niko? Sumunud ka la nikán.”