Mateo 8:17 - U Maganda A Baheta Ni Jesu-Cristo

¹⁷ Nangyari iye para matupad u hula ni propeta Isaias tu itod a “Siya u nangibut tu sakisaket tam sakay pinagpiyya na kitam.”

Mateo 8:17 Referans Kwoze

1 Pedro 2:24

Ti Cristo ay naparusaan dipo tu kasalanan tam. Nepako siya tu kudus tánni hummintu kitamon tu págkasala a konna tu patay a awan dán magkasala, sakay sumunud kitamon tu kagustuwan nu Diyos. Sakay dipo tu talingu na hide ay nagpiyya kitamon.

Mateo 1:22

Atananan iye ay nangyari para matupad u kinagi nu Panginoon tu tolay tu itod tu pamamagitan nu propeta na.

Mateo 2:23

Sakay nágyan hide ti Nazaret a sakup ni Galilea tánni matupad u kinagi nu propeta tu itod pa a “Mangahanan siya a taga Nazaret.”

Mateo 2:15

Sakay nágyan hide hod hanggan natay ti Herodes. Nangyari iye para matupad u impekagi nu Panginoon tu propeta na tu itod pa a “Dinulawan ko u anak ko a lumakad ti Egipto”.

Markos 1:32

Tu kássahám nu aldew ay inyangay de tu kán Jesus u atanan a te saket sakay u sináddáp hide ni madukás a ispirito,

Lukas 4:40

Nikuna sumaham dán u aldew ay inyangay nu tolay hide tu kán Jesus u te saket hide. Intupo na u kamát na tu balang essa, sakay pinagpiyya na hide.

2 Corinto 12:10

Dipo ni Cristo ay awan nikán ti halaga ni mahinaák, insultuwán, pahirapan, usigán, sestiyán, sakay magtiis. Dipo ni nikanák a mahina ay sakaák be a pabegsákkán nu Diyos.