Mateo 5:9 - U Maganda A Baheta Ni Jesu-Cristo

⁹ Pinagpala nu Diyos u tagaayus tu magdima hide, dipo hide u madulawan a anak nu Diyos.

Mateo 5:9 Referans Kwoze

Hebreo 12:14

Sikapán moy a makasundu u kapareho moy a tolay sakay magpakabanal kam, dipo awan moy ketan u Panginoon ni awan kam mabiyag ti konna he.

Roma 12:18

Ni maare la nakwa, mákpággagum kam ti mapayapa tu atanan a tolay.

Galacia 5:22

Pero u tolay a mabiyag ayun tu pággiyya nu Banal a Ispirito ay mapagmahal, tehhod a kasayaan, tehhod a kapayapaan, magtággád ti hirap, mabait, maggimet ti maganda a bagay tu agum hide a tolay sakay tehhod a katapatan

Roma 8:14

U atanan a igiya nu Ispirito nu Diyos ay anak hide nu Diyos.

Lukas 6:35

Nan mahalán moy u kadima moy hide. Mággimet kam ti maganda nide sakay magpaáddem kam a awan dán umasa ti ánya pa man a bayad. Tánni dakál u piremyo a matanggap moy. Tán hikam u magin anak nu Dakila a Diyos. Dipo siya ay makákkagbiyan tu mágkadukás sakay tu awan hide tumáttenggi ti utang a luub nikuna.

2 Corinto 13:11

Hanggan dálla he, kákkapatkákka, paalam dán nikam. Sikapán moy a lumagu kam sakay sunudán moy u payo ko hide; magkaessa kam, sakay mabiyag a tehhod a kapayapaan. Ni konna hod, u Diyos nu págmahal sakay kapayapaan ay makaguman moy.

Colosas 3:13

Mamágpasensiyaan kam sakay mamágpatawaden ni te saket kam ti isip tu balang essa. Magpatawaden kam konna tu págpatawad nikam nu Panginoon.

Mateo 5:48

Kanya dapat a awan kam ti kapintasan konna tu Ama moy a hod ti langet a awan ti kapintasan.”

2 Corinto 5:20

Kaya hikame ay inutusan ni Cristo; a u Diyos a mismo u mákpágguhon nikam tu pamamag-itan me. Mákpágguhon kame nikam alang-alang ni Cristo; a magsole kamon tu Diyos.

Gimet 7:26

Tu sumunud a aldew ay tehhod siya a netan a duwwa a Israelita a magdima, nadid pilit na hide a sawayán, ‘kakagumanan ko hide,’ kagi na, ‘Bakin magdima kam? Pareho kam pabe a Israelita.’

Mateo 5:45

Tánni magin tunay kam a anak nu Ama moy a atoy ti langet. Dipo atádden na a parehas ti sinag sakay uden u mabait sakay u madukás a tolay.

1 Corinto 6:6

Bakin a mamágkaso kam a mátkaka? Sakay u pángkasuwan moy pa ay u tolay hide a awan ti pánnampalataya.

Filipos 4:2

Mákkekakagbiyák nikam Euodia sakay Sintique, a magkasundu kamon a duwwa bilang matkaka tu Panginoon.

Lukas 20:36

Dipo konna dán hide tu anghel hide a awan mata-matay sakay magin anak dán hide nu Diyos. Dipo biniyag na dán hide a huway.

Efeso 4:1

Kaya nadid, bilang essa a nakapireso dipo tu págserbi ko tu Panginoon ay mákkekakagbiyák nikam a mabiyag kam a konna tu nerarapat bilang dinulaw hide nu Diyos.

Roma 8:16

U Banal a Ispirito sakay u ispirito tam ay pareho a mangpatunay a anak kitam nu Diyos.

Roma 8:19

Maski ni u buo a linalang hide nu Diyos ay gusto di dán a ipahayag nu Diyos u anak na hide.