Mateo 5:46 - U Maganda A Baheta Ni Jesu-Cristo

⁴⁶ Ni u mahalán moy la ay u magmahal la nikam ay bakin gantimpalaan kam pa nu Diyos? Awan beman a gággimitán moy labe u gággimitán nu tagakolekta ti buwes hide a mágdaya?

Mateo 5:46 Referans Kwoze

Mateo 11:19

Nadid hikán a Anak nu Tolay ay kuman sakay uminom ti alak ay kagiyán di be a ‘Katoy u essa a tolay a maunas sakay lasingero. Barkada siya nu tagakolekta hide ti buwes sakay u makasalanan hide.’ Pero ketan labe u bunga nu karunungan nu Diyos tu biyag nu tolay a sumunud.”

Lukas 18:13

Pero u mágsingeh ti buwes ay magtáknág tu adeyo; a awan makaile-ileng ti langet, nan táttepdagán na u hakaw na, sakay kinagi na, ‘Diyos ko, kagbiyanák pay, essaák a makasalanan!’

Lukas 15:1

Essa a aldew u mágsingeh hide ti buwes sakay u agum pa hide a inturing a makasalanan ay immadene ni Jesus para mágsaneg.

Mateo 18:17

Ni umád padi siya sumanig nide, ikagi mo iye tu kapisanan nu kapatkaka hide ti pannampalataya. Sakay ni umád padi siya sumanig nide ay ibilang mo dán siya a essa a awan maniwala tu Diyos oni essa a madukás a tagakolekta ti buwes.”

Mateo 6:1

Kinagi pa ni Jesus “Siguraduwán moy a dyan kam la maggimet ti maganda para la ipeta tu tolay tánni puriyán di kam. Dipo awan kam ti gantimpala a maalap tu Ama moy ti langet.

Lukas 19:7

Nikuna ketan itod nu tolay hide ay nágganasasan hide a atanan, kinagi de a, “Maktulos siya ti makasalanane a tolay!”

Lukas 19:2

Te essa hod a lállake a Zaqueo u ngahan na. Siya u puno nu mágsingeh hide ti buwes sakay tunay a yaman.

Mateo 5:47

Sakay ni u áuhunán moy ay u kaibigan moy la, ánya u nagimet moy a mas maganda kasera tu awan ko hide disepulus. Konna labe hina u gággimitán nu tolay a awan maniwala tu Diyos.

Markos 2:15

Nikuna kuman ti Jesus sakay tu disepulus na hide tu bilay ni Levi, kaguman de a kuman u mágsingeh hide ti buwes sakay u agum pa hide a makasalanan, dipo makpal a konna he a tolay a nákkuyog ni Jesus.

Markos 2:16

Nikuna ketan iye nu sangan a tagapagtoldu nu Kautusan a kaguman tu gurupo nu Pariseo hide ay tinanung de u disepulus na hide, “Bakin mákkaguman siya a mákkan tu mágsingeh hide ti buwes sakay tu makasalanan hide?”

Lukas 3:12

Dummemát be u mágsingeh hide ti buwes para magpabawtismo. Tinanung di be siya, “Maisto, ánya be u dapat me a gimitán?”

Lukas 5:29

Sakay káttapos ay hinandaan ni Levi ti Jesus ti dakál a handaan tu bilay na. Nák-atubang ni Jesus a kuman u agum hide a mágsingeh ti buwes sakay u agum pa hide a tolay.

Lukas 5:30

Nágganasasan u Pariseo hide sakay u maisto hide nu Kautusan. Kinagi de tu disepulus hide ni Jesus, “Bakin mákpággatubang kam a kuman sakay uminom ti mágsinge he hide ti buwes sakay tu agum pa hide a makasalanan?”

Lukas 7:29

U atanan a tolay a nakasaneg nikuna, maske u mágsingeh hide ti buwes ay nagpure tu Diyos. Binawtismuwan iye hide ni Juan.

Lukas 7:34

Nikuna dimmemát be u Anak nu Tolay a kuman sakay uminom ay kinagi moy, ‘Ilingán moy tolaye a maunas, máglalasing sakay barkada nu mágsingeh hide ti buwes sakay u agum hide a makasalanan!’