Mateo 5:35 - U Maganda A Baheta Ni Jesu-Cristo

³⁵ Sakay dyan moy kagiyán a sistigu moy u mundu dipo u Diyos be u tagapamahala he. Sakay dyan moy be kagiyán a sistigu moy u Jerusalem dipo itod u banuwan nu Diyos a pinakamataas a hari.

Mateo 5:35 Referans Kwoze

Pahayag 21:10

Inggiyyaák nu Ispirito, sakay inyangayák nu anghel tu tunay ti langkaw a buked. Impeta na nikán u Jerusalem u Banal a Banuwan a pasidung a gábwat tu Diyos ti langet.

Pahayag 21:2

Sakay netan ko u Banal a Banuwan, u bigu a Jerusalem a pasidung a gábwat tu Diyos ti langet. Konna tu bábbey a ikasal a nakabadu ti maganda a handa para tagbuwán nu lállake a makabanga na.

Mateo 5:36

Sakay dyan ka manumpa a ‘Maski ni matayák nadid,’ dipo awan mo kaya a baguwán u kurol nu maski essa tu buuk mo.

Gimet 7:49

Kinagi nu Panginoon, ‘U trono ko ay u langet, Sakay u gággemmakan ni tikád kuwáy ay lutaáy, Ánya pa a kabilay i gimitán moyay para nikán, Oni lugar a imangan ko?