Mateo 5:11 - U Maganda A Baheta Ni Jesu-Cristo

¹¹ Pinagpala kam nu Diyos ni insultuwán di kam sakay dustaán sakay bintangán di kam ti sare-sare dipo disepulus takam.

Mateo 5:11 Referans Kwoze

1 Pedro 4:14

Mapalad kam ni dáddustaán di kam dipo ni Cristo, dipo tukoy moy a katoy nikam u Banal a Ispirito nu Diyos a makapangyariyan.

Lukas 21:17

Kaiyamután kam nu atanan a tolay dipo tu kássunud moy nikán,

Markos 13:13

Kaiyamutan kam nu atanan dipo tu kássunud moy nikán, pero u manatile a tapat hanggan tu katapusan ay siya u maligtas.”

Mateo 24:9

Ti panahon an itod, kaiyamután kam nu atanan a tolay dipo nikán sakay dakáppán para pahirapan sakay bunuwán.

Lukas 6:22

Pinagpala kam ni kaiyamutan dikam, palayasán, insultuwán sakay kagiyan de a madukas kam dipo tu Anak nu Tolay.

1 Pedro 2:23

Awan siya gummante nikuna a dustaán siya, sakay awan siya ti kákkagi nikuna a pahirapan de nan impabahala na u atanan tu Diyos dipo u Diyos la u tapat a huwes.

Juan 15:21

Dustaán dikam dipo maniwala kam nikán sakay dipo awan de tukoy u nangpaangay he nikán.

Mateo 10:22

Kaiyamutan di kam dipo tu pániwala moy nikán. Pero u matapat nikán hanggan matay ay siya la u maligtas.

Mateo 10:39

Ni ti deya man u umád a maniwala nikán dipo kakengan na u biyag na ay mawanan, pero ni ti deya man u mawanan ti biyag dipo tu pániwala na nikán ay magkahod ti biyag a awan ti katapusan.”

Pahayag 2:3

Tukoy ko be a matiyaga kam a nagtiis tu makpal a hirap alang-alang nikán sakay awan moy inadággen u pánnapalataya moy nikán sakay awan kam nanghina.

Mateo 19:29

Sakay ni deya man u manglakad tu bilay na, kapatkaka na hide, ama sakay ina na hide, anak na hide, oni u luta na hide para nikán ay makatanggap be ti pendatos a beses tu linakaden na. Sakay pagkalooban siya ti biyag a awan ti katapusan.

2 Corinto 4:11

Dipo lagi kame a katoy tu dilikadu a kalagayan alang-alang ni Cristo, tanni tu pamamag-itan nu bággi me a matay, ay mehayag a biyag siya.

1 Corinto 4:10

Kagi nu tolay hide, Awan kame kan ti tukoy dipo u itáttoldu me ay tungkul ni Cristo; pero mágkarunung kam kan dipo ni Cristo! Mágkahina kame kan; pero mágkabegsák kam kan! Sássestiyán kame pero igággalang kam!

Roma 8:36

Ayun tu kinagi na tu Kasulatan a, “Alang-alang niko ay palagi a dilikadu ti kamatayan u biyag me. Kumán kame a u tupa hide a bunuwán.”

Lukas 21:12

Pero bagu a mangyare iye hide a atanan ay padakáp dikam sakay pahirapan. Iyangay dikam tu sinagoga hide para imbistigaan sakay ipepireso. Sakay dipo tu págsunud moy nikán ay iyatubang dikam tu hare hide sakay tu gubernador hide.

Lukas 9:24

Dipo u tolay a masoh a mángligtas tu sadile na a biyag ay siya i mawananay ti biyag a awan ti kahád. Pero ni deya man u máng-alay tu biyag na alang-alang nikán ay magkahod ti biyag a awan ti kahád.

Markos 8:35

Dipo u maghangad a mángligtas tu biyag na ay mawanan ti biyag; pero u tolay a máng-alay tu biyag na alang-alang nikán sakay tu Maganda a Baheta ay magkahod ti biyag hanggan-hanggan.

Mateo 10:25

U madanas nu tagapagtoldu ay madanas labe nu disepulus na. Madanas labe nu utusan u madanas nu amo. Ni hikán a tagapagtoldu moy ay nginahanan de a Satanas mas grabe u ingahan de nikam a disepulus ko hide.”

Gimet 9:16

sakay ipeta ko nikuna atanan hirap a kailangan na a danasán dipo nikán.”

Markos 13:9

“Humanda kam! Dipo dumemát u panahun a itokyon dikam, sakay bálbággán dikam tu sinagoga hide. Imbistigaan dikam tu atubang nu gubernador hide sakay tu hare hide dipo tu kássunud moy nikán. Iye u págkakataun moy para mángkagi nide tungkul nikán.

Mateo 27:39

Dinusta siya nu nagtaleb hide sakay nagwalingiwang pa a

Markos 4:17

Pero awan naggimot u upos nu Diyos tu puso de, kanya awan hide nanatile. Nikuna demattan hide nu sari-sare a kahirapan oni págdusta dipo tu upos nu Diyos, ay pagdaka hide a immatras.

Mateo 10:18

Dipo disepulus takam ay ikaso di kam be tu gubernador sakay tu hare hide. Siya dán itod u odas moy a magbahagi nide sakay tu awan hide Judio tungkul nikán.

Juan 9:28

Kanya nagingál hide, pinasanike de u lállake. Kinagi de, “Hiko u disepulus na, pero hikame ay disepulus ni Moises.

Filipos 1:29

Dipo ingkaluub nu Diyos nikam a sumampalataya ni Cristo pero bakán la a ina nan magtiis be ti hirap para nikuna.