Mateo 4:17 - U Maganda A Baheta Ni Jesu-Cristo

¹⁷ Hod ti Capernaum ay nagsapul ti Jesus a magtoldu. Kinagi na “Adággen moy u kasalanan moy dipo adeni dán a maghare u Diyos nikitam.”

Mateo 4:17 Referans Kwoze

Mateo 3:2

Kinagi na “Adággen moy u kasalanan moy dipo adeni dán a maghare u Diyos nikitam.”

Gimet 2:38

Timmábbeg ti Pedro, “Kákkapatkákka ko hide, pagsisiyan moy dán sakay adeyuwan u kasalanan moy hide, sakay magpabawtismo kam tu ngahan ni Jesu-Cristo tánni mapatawad kam tu kasalanan moy hide, sakay pagkaluuben nakam tu Banal a Ispirito.

Lukas 5:32

Awanák he immangay para tulungan u tolay hide a magkagi a malinis hide nan kayaák a immangay he ay para tulungan a magsise u makasalanan hide.”

Lukas 24:47

Tu pamamag-itan nu ngahan na, u págsise sakay kapatawadan nu kasalanan ay dapat a ipangaral tu atanan a bansa, sapul ti Jerusalem.

Gimet 17:30

Nalay a panahun a pinabayan nu Diyos u tolay hide tu awan de pángtengge nikuna. Pero nadid ay inyutus na tu atanan a tolay tu bawat lugar a magsise sakay adeyuwan di dán u madukás de a kákkabiyag.

Mateo 9:13

Angay moy intendiyán u kinagi nu Panginoon tu kasulatan na ‘Gusto ko a kagbiyan moy u tolay hide, bakán a u alay moy.’ Dipo awanák ummangay ti munduwáy para kagiyan u malinis hide a tolay a magsisi nan u makasalanan hide.”

Gimet 26:20

U purumero ko a nangaralan ay ti Damasco, káttapos ay ti Jerusalem sakay tu buu a Judea hanggan tu Hentil hide. Inpangaral ko a kailangan hide a magsise sakay magpasakup tu Diyos sakay ipeta de tu gimet de a nagsise dán hide.

Lukas 15:7

Kagiyán ko nikam, magkahod ti dakál a kasayaan ti langet dipo tu essa a makasalanan a nagsise nan tu siyam a pulo ay ti siyam a malinis a awan kailangan a magsise!”

Gimet 3:19

Kanya nadid ay magsisi kamon sakay umadene tu Diyos, tánni patawadán na u kasalanan moy hide,

Lukas 15:10

Kagiyán ko nikam, konna bi hod u kasayaan nu anghel hide nu Diyos dipo tu essa a makasalanan a immadág tu kasalanan na.”

Gimet 20:21

Impangaral ko tu Judio hide sakay tu Griego hide a dapat de adággen u kasalanan de sakay magsole tu Diyos sakay sumampalataya tu Panginoon tam a ti Jesu-Cristo.

Hebreo 6:1

Kanya dapat kitam a lumagu sakay sapulan tam a pagadalan u maspa nan tu pangpurumero hide a adal a tungkul ni Cristo. Sakay magtulos-tulos kitamon tu adal hide a mágkadisalad. Awan tam kailangan a huway-huwayán u adal hide a tungkul tu káadág tu gimet hide a awan maganda tu pangileng nu Diyos, sakay tungkul tu pánnampalataya tu Diyos,

Gimet 11:18

Nikuna masaneg di iye ay awan dán hide nagbaháng nan nagpure hide tu Diyos, kinagi de “Ni konna hod ay inatádden be nu Diyos u Hentil hide ti pagkakataun a magsise tu kasalanan de sakay magbagu tánni maligtas.”

Mateo 25:1

Kinagi pa ni Jesus “Kona he a talinghaga a mepareho u kahariyan nu Diyos: Te sapulo a mámmadiket a amigo nu ikasal hide. Ayon tu kaugalian de, tu aldew nu kasal ay tagbuwan de u lállake a ikasal a te tawed u bawat essa nide a simbuwan.

Mateo 13:47

Kinagi pa ni Jesus “U pághare nu Diyos ay konna dámman tu essa a dakál a pante a indátton de tu diget sakay nakalap ti sari-sare a ikan.

Mateo 10:7

Itoldu moy nide a ‘Adeni dán a maghare u Diyos nikitam.’

Lukas 9:2

Sakay inutusan na hide a angay mangaral tungkul tu pághare nu Diyos sakay magpapiyya tu tehhod hide a saket.

Mateo 11:12

Sapul tu págtoldu ni Juan a Mágbawtismo hanggan nadid u kahariyan nu Diyos ay nakadanas ti grabe a atake sakay gusto nu mágkatapang a tolay a agiwán u kahariyan.

Mateo 13:24

Nagistorya pa ti Jesus ti essa pa a talinghaga, kinagi na “U pághare nu Diyos ay konna tu istorya nu essa a tolay a nagmula ti maganda a halaman tu págmulaan na.

Mateo 13:9

Ni ti deya u masoh a mágsaneg ay dapat mágsaneg ti husto sakay intendiyán na u kinagi ko.”

Mateo 13:11

Tinábbeg na hide “Impakapospos nu Diyos nikam u sekreto nu Kahariyan na pero awan na ipakapospos nide.

Mateo 6:10

Masoh kami a hiko u maghari tu atanan a tolay ti munduwáy. Nakwa sunudán nu atanan a tolay u kagustuwan mu he ti munduwáy a konna tu págsunud de hina ti langet.

Lukas 3:23

Tállo dán a pulo a taon ti Jesus nikuna magsapul a mangaral. Tu pangisip nu tolay hide a anak siya ni Jose a anak ni Eli,