Mateo 4:10 - U Maganda A Baheta Ni Jesu-Cristo

¹⁰ Pero inutusan ni Jesus ti Satanas “Umadeyo ka nikán Satanas. Dipo nakasulat be a ‘Sambaán mo u Panginoon a Diyos sakay siya la u sunudán mo awan dán ti agum.’”

Mateo 4:10 Referans Kwoze

Lukas 4:8

Pero tummábbeg ti Jesus, “Nakasulat tu Banal a Kasulatan, ‘U Panginoon mu la a Diyos u dapat mo a sambaán, sakay siya la u dapat mo a pagserbiyan.’ ”

Santiagu 4:7

Kanya magpasakup kam tu Diyos, labanan moy ti Satanas tánni adeyuwan nakam.

1 Pedro 5:9

Labanan moy siya sakay magpakatatag kam tu pánnampalataya moy tu Diyos. Dipo tukoy moy labe a bakán la a hikam i magdanasay ti konna he a hirap, nan pate u kákkapatkákka moy hide tu buo a mundu.

Mateo 16:23

Pero kinagiyan siya ni Jesus, “Umadeyo ka Satanas! Essa ka a hadlang nikán. U isip mo ay bakán a tu Diyos nan kao nu tolay.”

Markos 1:13

Áppat a pulo a aldew siya a katoy hod a táttoksuwán ni Satanas. U hayup hod ay mágkatapang pero pinagserbiyan nu anghel hide ti Jesus.

Lukas 10:18

Kinagi ni Jesus, “Netan ko ti Satanas a natákneg a gábwat ti langet a kumán a kilat.

Lukas 11:18

Ni tehhod a gurupo a mamágdadema tu kaharian ni Satanas ay kodya iye a magtulos-tulos? Sakay kagiyán moy a nagpalayasák tu dimonyo hide tu pamamag-itan nu kapangyariyan ni Beelzebul.

Lukas 13:16

I bábbiyan iye a gábwat tu lahe ni Abraham ay sapulo ay ti walo dán a taon a pináppahirapan ni Satanas. Awan beman dapat siya a palayaán maskin tu Aldew nu Káimang?”

Lukas 22:3

Ti itod be ay simmáddáp ti Satanas ni Judas a Iscariote, a essa tu sapulo ay ti duwwa a disepulus na.

Lukas 22:31

Kinagi ni Jesus, “Simon, Simon! Magsaneg ka! Inaged ni Satanas a purbaan naka konna tu páng-ibut tu lupás tu trigu.

Juan 13:27

Nikuna naalap dán ni Judas u tinapay ay simmáddáp nikuna ti Satanas. Kinagi ni Jesus nikuna, “Gimitán mu dán a agad u gimitán mo.”

Gimet 5:3

Kanya kinagi ni Pedro, “Ananias, bakin nagpadaig ka ni Satanas sakay nagbule-bule ka tu Banal a Ispirito? Bakin binawasan mo u naglakuwan mo tu luta?

Gimet 26:18

Paangayán taka ti itod hide a tolay tánni mabukasan u mata de. Sakay mesole hide tu demlag gábwat tu kadiklámman, tánni meligtas hide tu kapangyariyan ni Satanas sakay isole tu Diyos. Tu pamamag-itan nu pánniwala de nikán ay mapatawad hide tu kasalanan de hide sakay mebilang hide tu pinile hide nu Diyos!’

1 Corinto 5:5

iyatád moy ni Satanas i tolayan ina tánni mepahamak u bággi na sakay tán para maligtas u ispirito na tu Aldew nu Pághatul nu Panginoon.

1 Corinto 7:5

Kanya dyan moy ikemot a mákduhog tu kákkabanga moy, maliban dálla ni napagkasunduwan moy a dyan kam palla magduhog, tánni melaan u panahun moy tu págdasal. Pero káttapos ay maare kamon a magduhog tánni awan kam matokso ni Satanas dipo la a awan kamon makapagpugád tu sadile moy.

2 Corinto 2:11

Dapat la a magpatawad kitam tánni awan kitam malinlang ni Satanas. Dipo tukoy tam u plano na a madukás.

2 Corinto 11:14

Sakay awan iye págtakaan! Dipo maski ti Satanas ay maare a magkunware a anghel nu Diyos.

2 Corinto 12:7

Para awan ko mehambug u makataka-taka a mensahe nu Diyos nikán, áy inatáddinák na ti kahirapan tu bággi ko a kumán a saet tu pilas ko. Pinakultaden na u essa a utusan ni Satanas a nagpahirap nikán, tán para awanák magmadakál.