Mateo 3:7 - U Maganda A Baheta Ni Jesu-Cristo

⁷ Pero pákketa ni Juan a makpal a miyembro nu Pariseo sakay Saduseo u umadeni nikuna para magpabawtismo ay pinagkagiyan na hide “Hikam a mágkadukás a tolay, deya u nagkagi nikam a ni magpabawtismu kam ay maiwasan moy u parusa nu Diyos?

Mateo 3:7 Referans Kwoze

Mateo 12:34

Hikam ay kumán a makamandag a biklat. Kodya u mágkadukás a tolay a konna nikam maari a magupos ti maganda? Dipo ni ánya u pirmi hod tu puso moy ay itod labe u lumuwas tu labi moy.

1 Tesalonica 1:10

Kinagi di pa a áuhayán moy dán u kássole ni Jesus a Anak nu Diyos a gábwat ti langet a biniyag nu Diyos a huway. Ti Jesu-Cristo u mángligtas nikitam tu pádemát a iyamut nu Diyos.

Roma 1:18

Pero impeta nu Diyos u iyamut na a gábwat ti langet, tu atanan a tolay a awan maka Diyos sakay mággimet ti kadukássan. Dipo hadlangan de tu mágkadukás de a gimet u tatahoden a gusto nu Diyos a matukuyan de.

Mateo 23:33

Malinlang kam konna tu biklat! Awan kam talaga makaiwas, maparusaan kam ti impiyerno!

Roma 5:9

Sakay nadid ay nebilang kitamon a awan ti kasalanan tu pamamag-itan nu dige ni Cristo, kanya siguradu dán u kaligtasan tam tu parusa nu Diyos dipo ni Cristo.

Mateo 22:23

Ti aldew labeyan itod ay immadeni ni Jesus u sangan a Saduseo hide. Hide u tolay a naniwala a awan biyagán a huway u natay hide. Kinagi de,

Mateo 16:6

Kinagi ni Jesus nide, “Mag-ingat kam tu págpaalsa nu Pariseo hide sakay Saduseo.”

1 Juan 3:10

Hed tam he a matukuyan ni deya u anak nu Diyos sakay ni deya u anak ni Satanas: Ni deya man u awan maggimet ti maganda sakay awan magmahal tu kapatkákka na ay bakán a anak nu Diyos.

Juan 9:40

Nasaneg iye nu Pariseo hide a katoy hod, kanya nagtanung hide, “U gusto mu be man a kagiyán ay buhák kame be?”

Hebreo 11:7

Dipo tu pánnampalataya ay sinaneg ni Noe u babala nu Diyos tungkul tu bagay hide a mangyare a awan na palla netan. Kanya naggimet siya ti essa a dakál a abang tán maligtas siya sakay u pamilya na. Dipo hod ay nahatulan u tolay hide ti munduway, pero ti Noe ay nebilang a matuwid dipo tu pánnampalataya na tu Diyos.

Gimet 26:5

Nalay di dán a tukoy, sakay hide dán u makapagpatunay ni gustuwán di la, a sapul pa ti sapul ay kabilangák dán tu pinakaistrikto a sekta a relihiyon me ta nabiyagák bilang essa a Pariseo.

Gimet 20:31

Kanya magingat kam! Isipán moy a makpalák a luwa a timmuhog tu págtatoldu ko nikam aldew ay ti gibi tu tállo a taon a kakagumanák moy.

Gimet 15:5

Pero timmaknág u sangan a mánnampalataya a kaguman tu gurupo nu Pariseo hide sakay kinagi de, “Dapat a turiyán u Hentil hide a summampalataya sakay kagiyán a sumunud tu Kautusan ni Moises.”

Gimet 5:17

Pero u pinakapuno nu saserdote hide sakay u sakup na hide a Saduseo ay tunay u pánnaghile de kanya namágkaessa hide a pahirapan de hide.

Juan 8:44

Ti Satanas u ama moy. Sakay ni ánya u gusto na ay itod u gusto moy be a gimitán. Mágbabono siya sapul pa tu sapul, sakay umád na u tatahoden dipo awan u tatahoden nikuna. Dipo ugale na dán a mágbabuli-buliyán dipo mabule siya, sakay siya u naggábwatan nu atanan kakabuliyan.

Juan 1:24

U nángpaangay tu tolay hide a immangay tu kán Juan ay u Pariseo hide.

Lukas 18:11

Timmaknág u Pariseo sakay nagdasal ti konna heeh, ‘Magpasalamaták niko, Panginoon dipo awanák kapareho nu agum a mágtakaw, mágkadaya, mángngibábbey oni konna ti lállakeyáy a mágsingeh ti buwes.

Lukas 16:14

Nikuna masaneg iye nu Pariseo hide ay kinatawaan de ti Jesus dipo masássohan hide ti pilak.

Lukas 7:30

Pero u Pariseo hide sakay u maisto hide nu Kautusan ay timmanggi tu kagustuwan nu Diyos tu biya-biyag de, dipo umád de a nagpabawtismo ni Juan.

Markos 12:18

Nadid, immangay tu kán Jesus u sangan a Saduseo para magtanung. U Saduseo hide ay itáttoldu de a awan mabiyag a huway u patay hide. Kinagi de,

Markos 12:13

Nadid, pinaangay nu pinuno nu Judio hide tu kán Jesus u sangan a Pariseo, sakay u sangan a alagad ni Herodes para bantayan de u kákkagiyán na para tehhod hide a mesihe a kontara nikuna.

Markos 8:15

Kinagi nide ni Jesus, “Magingat kam tu págpaalsa nu Pariseo hide sakay ti Herodes.”

Mateo 22:34

Nagipun-ipon u Pariseo hide nikuna nabaheta de a napatahimik ni Jesus u Saduseo hide. Sakay nagisip hide ti itanong de ni Jesus.

Mateo 22:15

Nadid linumakad u Pariseo hide sakay pinágguhunan ni pakodya de madakáp ti Jesus tu tábbeg na hide.

Mateo 12:24

Pero nikuna nasaneg iye nu Pariseo hide ay kinagi de “Kanya mapalayas na u demonyo hide dipo inatádden siya ti kapangyariyan ni Satanas.”

Mateo 5:20

Kanya ikagi ku nikam a paghariyan kam la nu Diyos ni tatahoden moy a sunudán u kautusan nu Diyos. U kássunud moy tu kautusan ay dapat mas humigit pa tu págsunud nu Pariseo hide sakay tu maistu hide nu Kautusan ni Moises.”

Hebreo 6:18

Awan magbabagu oni magbule-bule u Diyos ti duwwaan iye a bagay: U pananto na sakay u sinumpaan na. Kanya hikitam a nagpasakup tu Diyos ay matibay u isip tam a umasa tu inpananto na.

Mateo 15:12

Mamayamaya ay immadene u disepulus hide ni Jesus nikuna sakay kinagi de “Nasakitan u Pariseo hide tu kinagi mo.”

Mateo 16:1

Essa aldew immadeni ni Jesus u sasangan a Pariseo sakay Saduseo hide. Gusto de a purbaan ti Jesus kanya kinagi de a mángpeta siya ti essa a tanda a gábwat ti langet.