Mateo 26:69 - U Maganda A Baheta Ni Jesu-Cristo

⁶⁹ Alay ni Pedro a naggetnud tu sural, inadeniyan siya nu essa a utusan a bábbey sakay kinagi na, “Kaguman ka be ni Jesus a taga-Galilea, awan beman?”

Mateo 26:69 Referans Kwoze

Mateo 26:71

Sakay limmuwas ti Pedro. Netan siya nu essa pa a utusan a bábbey sakay kinagi na tu atoy hod, “I lállakeyan iye ay kaguman ni Jesus a taga Nazaret.”

Gimet 5:37

Káttapos ay limmitaw be ti Judas a taga-Galilea tu panahun nu págsensus tu tolay sakay nakaakit be siya ti makpal a tolay. Nikuna mabuno siya ay namághiwewalay be u sakup na hide.

Juan 7:52

Tinábbeg de ti Nicodemo, “Taga-Galilea ka beman be? Adalán mo u Kasulatan, para ketan mo a awan ti propeta a maggábwat ti Galilea.”

Juan 7:41

Kinagi be nu agum, “Ay siya dán u Tagapagligtas!” Pero tehhod be a nagkagi, “Bakán a siya u Tagapagligtas, dipo awan maare a gumábwat ti Galilea u Tagapagligtas.

Juan 1:46

Kinagi nikuna ni Nataniel, “Tehhod beman a maganda a maggábwat ti Nazaret?” Timmábbeg ti Felipe, “Kadon he ta ilingán mo.”

Mateo 26:58

Tummagubet nikuna ti Pedro pero adeyo u agwat de. Káddemát na tu bilay ni Caifas ay simmáddap siya tu sural sakay naggetnud a kaguman u guwardiya hide tánni metan na ni anya u mangyari.

Mateo 26:3

Nadid u pupuno hide nu saserdote sakay u pinuno hide nu banuwan ay nagpisanpisan hod tu dakal a bilay nu pinakapuno a saserdote a ti Caifas.

Mateo 21:11

“Ti Jesus, u propeta a taga Nazaret a Galilea,” tábbeg be nu kakpalan.

Mateo 26:70

Pero impamen na iye tu atubang nu kakpalan. “Awannák ti tukoy ti kákkagikagiyan mowe,” tábbeg na.