Mateo 26:41 - U Maganda A Baheta Ni Jesu-Cristo

⁴¹ Magpuyat kam sakay manalangin tánni awan kam matalo nu tukso. U espiritu ay nakahanda pero mahina u bággi.”

Mateo 26:41 Referans Kwoze

Lukas 22:46

Tinanung na hide, “Bakin a mágtatidugán kam? Umikat kam sakay magdasal tánni awan kam madaig nu tokso.”

Markos 14:38

Sakay kinagi na nide, “Dyan kam mátdug magdasal kam tán awan kam matokso. Nakahanda u ispirito, pero mahina u bággi moy.”

Efeso 6:18

Sakay palagi kam a magdasal tu Diyos a tulungan nakam, sakay diyan kam magpabaya nan ipagdasal moy u atanan nu mánnampalataya hide ni Cristo, sakay palagi moy a sunudán u pággiya nu Banal a Ispirito nikam tu págdasal moy.

Mateo 6:13

Sakay dyan ka pumayag a matoksu kame tu kasalanan nan iyadeyo mu kami ni Satanas. Dipo u kahariyan sakay u kapangyariyan ay kao mo hangganhanggan. Sakay hiko u mapuri tu atanan hangganhanggan. Amen.”

Lukas 21:36

Kaya lagi kam a handa tu atanan odas. Pirme moy a idasal a magkahod kam ti begsák tánni matággád moy u atanan a hirap a dumemát sakay nakahanda kam la a umatubang tu Anak nu Tolay.”

Pahayag 16:15

Sakay pinisan nu ispirito hide u hare hide tu lugar a dáddulawán a Armagedon, tu upos a Hebreo. (Iye u babala nikam nu Panginoon Jesus, kinagi na a, “Pakasanigán moy! Dumemátták a konna tu káddemát nu mágtakaw! Pinagpala u pirme a lukag sakay awan nageklas tu badu na; tán awan siya mepasanike a maglakad a eklas tu atubang nu katolayan!”)

1 Corinto 16:13

Magin handa kam sakay magpakatatag tu pánnampalataya moy. Magpakatapang kam sakay magpakatibay.

1 Pedro 5:8

Pirme kam a humanda sakay magbantay dipo u kadima moy a ti Satanas ay dumahi-dahengding a kumán a liyon a magtágguwang a magehyok ti sangwabán na.

1 Corinto 10:13

Awan palla ti pagsubuk a dummemát nikam a awan dinanas nu atanan a tolay. Matapat u Diyos, sakay awan na pakultadan a subukán kam tu mas pa tu kaya moy. Nan, káddemát nu pagsubuk, ay atádden na kam pa ti begsák tánni mapagtagumpayan moy itod.

2 Pedro 2:9

Pero tukoy nu Panginoon ni kodya a iligtas tu pagsubuk hide u atanan a tapat nikuna. Sakay ni kodya na a parusaan u mággagimitán hide ti madukás káddemát nu Aldew nu Pághatul.

Mateo 24:42

Kaya magbantay kam dipo awan moy tukoy ni nikan u aldew a umangay u Panginoon moy.

Pahayag 3:10

Dipo sinunud moy u utus ko a magtiyaga ay ingatan takam be káddemát nu pagsubuk a dumemát tu atanan a tolay ti munduway.

1 Pedro 4:7

Adene dán u katapusan nu atanan a bagay; kanya magpugád kam tu sadile moy sakay pirme a tama u pággisipan moy tánni awan ti hadlang tu págdasal moy.

Lukas 22:40

Káddemat di hod ay kinagi na nide, “Magdasal kam, tánni awan kam madaig nu tokso.”

Galacia 5:24

U nagpasakup hide ni Jesu-Cristo ay inadággen di dán u madukás de a gimet a kumán de a impepako a kaguman ni Cristo tu kudus u makasalanan de a pagkatolay kaguman u mágkahalay sakay tu agum pa a kagustuwan nu pilas.

1 Corinto 9:27

Disiplinaán ko u sadile ko sakay magpugáddák, dipo ni awan, bakay káttapos ko a magbaheta tu Maganda a Baheta tu agum ay hikán pa u awan makatanggap ti gantimpala.

Mateo 25:13

Kinagi ni Jesus “Kaya magbantay kam, dipo awan moy tukoy u aldew oni u panahon.”

Mateo 26:38

Kinagi na nide, “U puso ko ay maglungkot a tahod halos a ikatay ko! He kam pala he sakay mákpagpuyat nikán!”

Roma 8:3

U Kautusan ay awan makapangibut tu kapangyariyan nu kasalanan tu biyag tam dipo tu kahinaan nu makasalanan tam a pagkatolay. U Diyos u nangibut nikuna a pinaangay nahe u sadile na a anak a konna tu essa a tolay a makasalanan tánni magin alay para tu kasalanan tam. Sakay nikuna a nagin tolay siya ay tinapos nu Diyos u kapangyariyan nu kasalanan.

Lukas 11:4

Sakay patawadán mo kame tu kasalanan me hide, dipo pappatawadan mi be u nagkasala hide nikame. Sakay dyan mo kame pabayan a matokso.”

Lukas 8:13

U nesabug a bine tu bito-bito hide ay u tolay hide a nágsaneg sakay masaya de a tinanggap u upos nu Diyos. Pero awan tatahoden u págtanggap de tu puso de, kaya awan nagnalay u pánnampalataya de. Tu káddemát nu pagsubuk tu biyag de ay pagdaka hide a summina.