Mateo 26:26 - U Maganda A Baheta Ni Jesu-Cristo

²⁶ Alay de a kuman, nangalap ti tinapay ti Jesus. Sakay matapos magpasalamat tu Diyos ay hinatihati na u tinapay sakay intád tu disepulus na hide. “Alapan moy iye sakay kanán. Iye u bággi ko,” kinagi na.

Mateo 26:26 Referans Kwoze

Gimet 20:7

Tu purumero a aldew nu sasimba ay napisan-pisan kame para tu pángtappeng-tappeng ti tinapay. Nangaral ti Pablo nide hanggan tu bállog nu gibi dipo palakad siya tu kadimadimangan.

1 Corinto 10:4

Sakay imminom be hide tu dinom a inyatád nu Diyos, a gábwat tu Bito. I bituwan itod ay ti Cristo a mangkuyoyog nide.

Gimet 2:46

Mamágpisan hide tu templo kada aldew, sakay mamágkaguman hide tu bila-bilay de a magpira-piraso tu tinapay, masaya hide a mamággatubang a kuman a maluwag tu isip de,

Lukas 24:30

Nikuna kaatubang di dán siya a kuman ay nangalap siya tu tinapay sakay nagpasalamat tu Diyos. Káttapos ay hinate-hate na sakay inyatád na nide.

Markos 6:41

Inalap ni Jesus u limma a tinapay sakay tu duwwa a ikan; tummangad siya ti langet sakay nagpasalamat tu Diyos. Káttapos ay hinati-hate na u tinapay sakay inyatád na tu disepulus na hide para iyatád di be tu tolay hide. Konna bi hod u ginimet na tu ikan sakay intagtag dibe.

Mateo 14:19

Káttapos ay pinaetnod ni Jesus u katolayan hide tu kalamonan. Inalap na u limma a tinapay sakay duwwa a ikan sakay tummangngad ti langet. Nagpasalamat siya tu Diyos sakay tináppeng-táppeng na u tinapay. Kimmakpal u makan. Sakay intád na tu disepulus na hide sakay intagtag be nu disepulus na hide tu katolayan.

Mateo 26:27

Káttapos ay inalap na u baso, nagpasalamat tu Diyos sakay intád nide. “Uminom kam a atanan ti iye,” kagi na

Lukas 22:17

Sakay inalap na u tasa a te lasán a alak, sakay káttapos na a nagpasalamat tu Diyos ay kinagi na, “Alapán moy iye sakay pamághatiyan moy.