Mateo 25:35 - U Maganda A Baheta Ni Jesu-Cristo

³⁵ Dipo hikán ay nagaláp pero pinakan moy, nauwaw pero pinainom moy. Hikán ay nagin dayo tu banuwan moy tapos pinatulosák moy ti maganda.

Mateo 25:35 Referans Kwoze

Hebreo 13:16

Sakay diyan tam kalimunan a maggimet ti maganda sakay tu káttulung tu agum dipo ina u alay a kasayaan nu Diyos.

Santiagu 1:27

U ibilang nu Diyos a Ama tam a makidiyos ay u tumulung tu ulila sakay tu bábbey hide a bilo tu kahirapan de, sakay awan mák-aheg tu mágkadukás hide a gimet ti munduway.

Roma 12:13

Tulungan moy u kákkapatkákka moy hide a mánnampalataya a te kailangan, sakay patulusán moy u awan hide ti matulusan.

Roma 12:20

Kanya ni magaláp u kadima mo, pakanán mo siya. Ni mauwaw siya, painumán mo siya. Dipo ni gimitán mo iye hide ay mepasanike siya tu sadile na.

Hebreo 6:10

Dipo matapat u Diyos. Awan na kalimunan u gimet moy sakay u págmahal moy nikuna tu pamamag-itan nu págserbi moy tu kákkapatkákka moy hide a Kristiyano, a hanggan nadid ay gággimitán moy pade.

Filemon 1:7

Dipo tu págmahal mo, kapatkákka a Filemon, ay nasayaák sakay napabegsákkák. Dipo be niko ay napabegsák u mánnampalataya hide.

1 Timoteo 5:10

Sakay kailangan a kilala siya dipo tu mágkaganda na a gimet. Napadakál na u anak na ti maganda a paraan, sakay masaya siya a mágpatulos tu bilay na. Nagserbiyan na u pinile hide nu Diyos, tumáttulung tu tehhod a kailangan, sakay inlaan na u biyag na tu pággimet ti maganda.

Efeso 4:28

U mágtakaw ay dyan dán magtakaw; nan magtrabaho siya sakay gamitán na u kamát na tu tarabaho a marangal tánni makatulung siya tu mangailangan hide.

Roma 16:23

Kákkumustaán kam be ni Gayo. Hikán a ti Pablo ay náktulos tu bilay na, he be a magipun-ipun u mánampalataya he hide. Kákkumustaán kam be ni Erasto a tusurero nu banuwan sakay tu kapatkákka tam a ti Cuarto.

Gimet 16:15

Sakay nagpabawtismo siya sakay tu buo na a pamilya. Káttapos ay inakit na kame, “Ni maniwala kam a tatahodinák dán a mánnampalataya tu Panginoon ay tumulos kam ti bilay.” Kanya tinanggap me u pággakit na.

Gimet 11:29

Kanya nagplano u disepulus hide a magpatawed ti tulung tu mánnampalataya hide a mámmágyan ti Judea, ayun tu makaya nu bawat essa.

Gimet 10:31

Kinagi na, ‘Cornelio, sinaneg nu Diyos u dasal mo hide sakay kinasayaan na u págtulung mo tu mágkahirap hide.

Gimet 4:32

Namágkaessa ti isip u mánnampalataya hide. Sakay awan sinadile nu bawat essa u ari-arian de nan para nide a atanan.

Juan 13:29

U akala nu agum ay inutusan la siya ni Jesus a mamale tu kailangan de tu kasayaan oni mangatád ti limus tu mágkahirap hide, dipo siya u mágsaddi tu pilak de.

Lukas 11:41

Kaya tulungan moy u magkahirap hide tu kailangan de tán magin malinis kam tu atubang nu Diyos.

Markos 14:7

Dipo u mágkahirap ay pirme moy la a kaguman sakay maare kam a tumulung nide, maski ánya a odas. Pero awanák moy lagi a kakaguman.

Mateo 26:11

Tu atanan a panahon ay kakaguman moy u pobre hide pero hikán ay awan moy makaguman ti habang panahon.

Mateo 25:40

Sakay tábbegan ko hide, ‘Talaga a kagiyan ko nikam: nikuna ginimet moy iye tu pinakamababa hide a kákkapatkákka ko ay bilang hikán u kinagbiyan moy.’