Mateo 25:34 - U Maganda A Baheta Ni Jesu-Cristo

³⁴ Sakay kagiyan ko tu atoy hide tu kawanan ko, ‘Kamon he, hikam a pinagpala nu Ama ko! Mágyan kam tu kaharian a inhanda para nikam sapul pa nikuna ginimet u mundo.

Mateo 25:34 Referans Kwoze

Santiagu 2:5

Mahal ko hide a kákkapatkákka, mágsaneg kam! Awan beman pinile nu Diyos u mágkahirap hide ti munduwan iye tánni magin mayaman ti pánnampalataya, sakay magin tagapagmana tu kahariyan a impananto na tu atanan a magmahal nikuna?

Pahayag 21:7

Iye u matanggap nu magtagumpay. Sakay hikán u magin Diyos na, sakay siya be ay magin anak ko.

Pahayag 13:8

Sakay u atanan a tolay a katoy ti lutaáy ay sumamba nikuna, puwera la tu tolay hide a nakasulat u ngahan de tu libro nu biyag sapul pa nikuna a lalangán i munduway. I libruwan iye ay táttawed nu Tupa a binuno.

Mateo 20:23

Kinagi ni Jesus, “U hirap ko ay makayanan moy ngane. Pero bakán a hikam u mangpile ni deya u umetnud tu kawanan sakay tu kawihi ko. Itona hide a inagid moy ay para tu pinaghandaan hide nu Ama ko.”

Pahayag 17:8

U makaánteng a hayup a netan mo ay biyag tu itod pero patay dán nadid; pero lumitaw siya a huway a gábwat tu ábbut a awan ti kahád ti kadsalad sakay agad na a tamuwán u kaparusaan. Ketan siya nu tolay hide ti lutaáy a awan nakasulat u ngahan de tu libro a listaan nu tolay hide a inatádden ti biyag a awan ti kahád. Bagu a lalangán i munduway, u ngahan de ay awan nelista ti libruwan itod pákketa de tu makaánteng a hayup, hide ay magtaka, dipo tukoy de a nabuno dán siya, pero lumitaw siya a huway a biyag.

Hebreo 4:3

Hikitam a maniwala u makasáddáp sakay makaimang tu páppágyanan nu Diyos. Tu awan hide maniwala ay kinagi na a, “Tu iyamut ko ay isumpa ko, ‘a awan hide makasáddáp sakay makaimang tu páppágyanan ko.’” I maimanganan itod ay inhada nadán sapul a lalangán na i munduway.

Lukas 12:32

“Hikam a disepulus ko hide, dyan kam manteng, maski sasangan kam la dipo gugusto nu Diyos a kaguman nakam tu kahariyan na.

Hebreo 11:16

Pero u gusto de ay u mas maganda a banuwan, u banuwan a katoy ti langet. Kanya awan ingkasanike nu Diyos a dulawán de siya a Diyos de, dipo naghanda na hide ti essa a banuwan.

1 Corinto 15:50

Iye u gusto ko a kagiyán, kákkapatkákka ko hide: u bággi tam a nabuo nu pilas sakay dige ay awan magkahod ti bahagi tu kahariyan nu Diyos. U bággi a iye a mahunot ay awan maare a makatanggap ti biyag a awan ti kahád.

Mateo 25:41

Sakay kagiyan ko be tu atoy hide tu kawihi, ‘Umadeyo kam nikán a binusong nu Diyos! Hikam ay meangay tu apoy a awan maadápadáp a inhanda para ni Satanas sakay tu demonyo na hide.

Pahayag 19:16

Sumássulat tu badu na sakay tu pengkel na u ngahan a, “Hare nu atanan a hare sakay Panginoon nu atanan a panginoon.”

1 Corinto 2:9

Pero konna he u nakasulat tu Kasulatan, “Awan palla ti tolay a naketa oni nakasaneg, sakay nakatukoy, tu bagay hide a inhanda nu Diyos para tu magmahal hide nikuna.”

Mateo 25:21

Kinagi nikuna nu amo na, ‘Malalaki! Tapat sakay mabait a utusan! Dipo nagin matapat ka tu badit a halaga, mamahala ka tu dakal a halaga. Sumáddáp ka sakay mákpagkasayaan ka nikán!’

Mateo 19:29

Sakay ni deya man u manglakad tu bilay na, kapatkaka na hide, ama sakay ina na hide, anak na hide, oni u luta na hide para nikán ay makatanggap be ti pendatos a beses tu linakaden na. Sakay pagkalooban siya ti biyag a awan ti katapusan.

Mateo 13:35

Kanya natupad u hula nu essa a propeta tu itod, “Kinagi nu Diyos ‘Maguposák nide tu pamamaraan nu talinghaga. Ikagi ko nide u bagay hide a awan padla ti nakapospos sapul tu pággimet tu mundo.’”

1 Pedro 3:9

Diyan moy gantiyan ti madukás u maggimet nikam ti madukás. Diyan moy sumpaán u mangsumpa hide nikam. Nan ipagdasal moy a pagpalaán hide nu Diyos dipo konna hod u gusto nu Diyos a gimitán moy.

2 Timoteo 2:12

Ni pagtiisan tam u hirap sakay awan kitam umimang tu kássunud ni Jesus, Ay maghare kitam be a kaguman na. Ni ikasanike tam siya tu atubang nu tolay hide, Ay ikasanike na kitam be.

Galacia 5:21

Kássene, páglasing, sakay magkasayaan hide ti madukás, sakay ti iba a madukás a gimet. Kagiyán ko iye a huway nikam a awan mebilang tu kahariyan nu Diyos u maggimet hide ti konna he.

1 Corinto 6:9

Awan moy beman tukoy a awan ti kabahagi tu kahariyan nu Diyos u makasalanan hide a tolay? Dyan moy dayaán u sadile moy! U tolay a mángngibábbey sakay mángngilállake, sumássamba tu diyos-diyosan, sakay mák-agum tu kaparehas na a lállake oni kaparehas na a bábbey,

Lukas 19:38

Kinagi de, “Puriyán u Hare a mágdadedemát tu ngahan nu Panginoon! Puriyan u Diyos dipo te kapayapaan ti langet!”

Mateo 5:19

Kanya ni ti deya man u awan sumunud tu maski essa tu kautusan dipo isipán na a awan iye pinakamahalaga sakay mangtoldu ti konna hina ay magin pinakababa tu kahariyan nu Diyos. Pero ni ti deya man u sumunud sakay mángtoldu tu katolayan tu kautusan ay magin mataas a tolay tu kahariyan nu Diyos.

Mateo 3:2

Kinagi na “Adággen moy u kasalanan moy dipo adeni dán a maghare u Diyos nikitam.”

Pahayag 5:10

Sakay pinagin hare mo hide sakay saserdote para magserbi tu Diyos. Sakay maghare hide ti lutaáy.”

1 Pedro 1:9

Dipo magtanggap kamon tu bunga nu pánnampalataya moy, iye ay u kaligtasan moy.

Hebreo 9:26

Dipo ni bakán a konna hod ay kailangan a pahuway-huway siya a matay sapul nikuna a lalangán i munduway. Pero pumensan la siya a immangay he, nadid a katapusan dán nu panahun tán buhaán na u kasalanan tu pamamag-itan nu pág-alay na tu sadile na.

2 Timoteo 4:8

Nadid ay matanggap ku dán u kurona nu pagkamatuwid. U Panginoon a makatarungan a maghatul u mangkurona nikán tu káddemát nu aldew a pághatul. Bakán la a hikán nan pati be u atanan a nangmahal ni Jesu-Cristo a maguhay tu kássole Na a huway.

1 Tesalonica 2:12

Pinabegsák me u isip moy, pinagkagiyan mikam sakay nákkekagbi kame nikam a mabiyag kam ti tapat tu atubang nu Diyos. Dipo siya u nangpile nikam tánni masakup kam tu kaharian na sakay tu kaluwalhatian na.

Roma 8:17

Sakay bilang anak hide nu Diyos, hikitam ay tagapagmana nu Diyos sakay kaguman ni Cristo a magmana tu págpapala hide a inhanda na. Dipo ni magtiis kitam a konna ni Cristo tu itod ay dumemát u aldew a parangalan na kitam a kaguman na.

Gimet 15:18

Iye u kinagi nu Panginoon a nángpakapospos ti bagayan hidenye sapul pa tu itod.’”

Gimet 3:26

Kanya pinaangay he nu Diyos u pinili na a Tagapagserbi, dipalongo nikitam a Judio para pagpalaán na kitam sakay tulungan na kitam a umadág tu madukás tam a kákkabiyag.”

Juan 19:15

Pero nagpákhawan u Judio hide, “Bunuwán siya! Ipako siya tu kudus!” Kinagi ni Pilato nide, “Ipako ko beman tu kudus u hare moy?” Timmábbeg u puno nu Saserdote hide, “Awan kame ti iba a hare nan u hare tam ti Roma!”

Juan 12:13

Kanya nangalap hide ti palmera sakay limmuwas hide tu banuwan sakay tinagbu de siya. Pimmákhaw hide, “Puriyán u Diyos! Pagpalaan u pademát tu ngahan nu Panginoon. Puriyán u Hare nu Israel.”

Juan 1:49

Timmábbeg ti Nataniel, “Maisto, hiko u Anak nu Diyos! Hiko be u hare ti Israel!”

Lukas 11:28

Pero timmábbeg ti Jesus, “Mas mapalad u mágsaneg sakay sumássunud tu upos nu Diyos!”

Markos 10:40

Pero bakán a hikán u magpile ni ti deya u umetnod tu kawanan oni tu kawihe. Inlaan la itona hide para tu pinile nu Diyos.”

Mateo 27:37

Nesulat tu ontok nu kudus u nagin kasalanan na: “Ti Jesus, u Hare nu Judio hide.”

Mateo 25:23

Kinagi nu amo na, ‘Malalaki! Tapat sakay mabait a utusan! Nagin matapat ka tu badit a halaga kanya mamahala ka tu dakal a halaga. Sumáddáp ka sakay mákpagkasayaan ka nikán!’

Mateo 21:5

“Kagiyán moy tu taga banuwan nu Sion, ‘Ilengan moy, pademát dán u hare moy. Siya ay mapagpakumbaba; nakasakay la tu essa a bul-o nu asno.’ ”

Efeso 5:5

Tukoy moy a awan makaangay tu kahariyan ni Cristo sakay tu Diyos u tolay hide a mángngibábbey oni mangilállake, mágkalaswa, sakay sakim (dipo u kasakiman ay págsamba tu diyos-diyosan.)

Mateo 25:40

Sakay tábbegan ko hide, ‘Talaga a kagiyan ko nikam: nikuna ginimet moy iye tu pinakamababa hide a kákkapatkákka ko ay bilang hikán u kinagbiyan moy.’

Markos 10:17

Nadid, nikuna a palakad dán di Jesus ay tehhod a lállake a nagginan a immadene nikuna, limmuhud siya sakay nagtanung, “Mahusay a maisto, kagiyán mu ped ni ánya i gimitán kuway para magkahodák ti biyag a awan ti kahád?”

Lukas 11:50

Kaya u tolay hide nadid u maparusaan dipo tu pángbuno nu nuno de hide tu prupeta hide sapul lalangán i munduwáy,

Juan 17:24

Ama, gusto ko a makaguman tu angayan ko u tolay hide a inyatád mo nikán, tán ketan di be u karangalan a inyatád mo nikán, dipo mahalák mo bagu pa a nilalang i munduway.

Hebreo 1:14

Ni konna hod ay ánya u anghel hide? Ispirito hide a magserbi tu Diyos, sakay hide u utusan para tumulung tu maligtas hide.