Mateo 23:9 - U Maganda A Baheta Ni Jesu-Cristo

⁹ Sakay dyan moy dulawan a ama u deya man a tolay tu luta dipo essa la u Ama moy, u Ama a atoy ti langit.

Mateo 23:9 Referans Kwoze

1 Juan 3:1

Isipán moy la ni sakodya ti kadakál u págmahal nikitam nu Ama. Dinulawan na kitam a anak na, a itona ngane u tatahoden. Iye u dahilan ni bakin awan kitam kilala nu makamundo hide a tolay dipo awan de tenggiyán u Diyos.

Hebreo 12:9

Awan beman dáddisiplinaan kitam nu dáddakál tam hide, kaya igalang tam hide? Kanya lalo kitam a dapat a magpasakup tu disiplina nu Ama tam ti Ispirito, tánni mabiyag kitam.

Mateo 7:11

Ni hikam a makasalanan ay tukoy moy a mangatád ti maganda tu anak moy, mas lalo a mangatád ti maganda u Ama moy ti langet tu atanan a mangaged nikuna.

1 Corinto 4:15

Maskin magkahod kam ti sapulo a libo a tagapagtoldu tu kákkabiyag moy bilang Kristiyano, ay eessa padi u meturing a ama moy tu pánnampalataya. Hikán itod dipo hikán u nakasanigan moy tu Maganda a Baheta tungkul ni Cristo Jesus.

2 Corinto 6:18

Hikán u magin ama moy, sakay hikam be u magin anak ko hide. Kagi nu Panginoon a Makapangyariyan.”

Gimet 22:1

“Nadid, kákkapátkákka hide sakay dáddakál hide, sanigán moy kagiyán kuwáy nadid bilang págdipensa ti sadile kuwáy.”

Mateo 6:32

Dipo sa itod hide u ehyokán nu awan maniwala tu Diyos. Pero tukoy nu Ama moy ti langet u atanan a kailangan moy hide.

Mateo 23:10

Dyan kam padulaw a amo dipo essa la u amo moy, u Mesias.