Mateo 23:24 - U Maganda A Baheta Ni Jesu-Cristo

²⁴ Buhák kam a tagagiyya! Ibut moy u langaw tu ainuman moy pero itallán moy u maski u dakal a hayop konna tu kamelyo!

Mateo 23:24 Referans Kwoze

Mateo 19:24

Sakay kagiyan ko be nikam: mas alisto pa a makasáddap u dakal a hayop a kamelyo tu ábbut nu digum nan magpasakop tu pághari nu Diyos u essa a mayaman.”

Mateo 23:16

Kakagbi kam, buhák a tagagiyya! Itáttoldo moy a ni manumpa ka tu ngahan nu Templo ay maari mo a awan tupadán u panantu mo. Pero ni manumpa ka tu ginto nu Templo ay dapat mo a tupadán u panantu mo.

Mateo 7:4

Dyan kam pumurba a tumulung tu kaparehu moy a te mas badit ti kasalanan nan nikam.

Juan 18:40

Pimmákhaw u tolay hide, “Bakán a siya nan ti Barabas!” (Ti Barabas ay essa a tulisan.)

Juan 18:28

Gábwat tu kán Caifas ay inyangay de ti Jesus tu páppágyanan nu gubernador. Magamulaldew dán ti itod. Awan simmáddáp u Judio hide tu páppágyanan nu gubernador dipo ayun tu Kautusan de, u sumáddáp tu bilay nu essa a bakán a Judio ay mebilang a madangat kanya awan maare a kuman. Tu pangapon tu pággala-ala tu kasayaan tu Págtaleb nu Anghel.

Mateo 15:14

Pabayan moy hide, buhák hide a tagagiyya. Ni u buhák u maggiyya tu buhák ay pareho hide a matápduk tu ábbut.”

Pahayag 12:16

Pero ginumángngak u luta sakay sinánghop u dinom a inyobla nu dragon kaya naligtas u bábbey.