Mateo 21:28 - U Maganda A Baheta Ni Jesu-Cristo

²⁸ Nadid kinagi ni Jesus “Anya u palagay moy he? Te essa a tolay a te duwwa a anak a lállake. Ummadeni siya tu panganay sakay kinagi na, ‘Anak, angay ka magtrabaho tu ubasan nadid a aldew.’

Mateo 21:28 Referans Kwoze

1 Corinto 15:58

Kaya ngane, mahal ko hide a kákkapatkákka, magpakatatag kam sakay dyan manghina. Magpakasipag kam tu págserbi tu Panginoon dipo tukoy moy a awan masayang u pagud moy para nikuna.

1 Corinto 10:15

Kagiyán ko iye nikam bilang essa a tolay a makaintende, hikamon u bahala a mangisip ni u kákkagiyán ko ay tama oni male.

Mateo 20:1

Intulos ni Jesus u págtoldo na, kinagi na “U pághare nu Diyos ay kapareho ni iye: Essa a dimadimang a tahod ay limmuwas u te kao tu ubasan tu bilay na para magehyok ti upaan na hide.

Markos 13:34

Iye ay maare tam a ipareho tu essa a tolay a umangay tu adeyo a lugar: bagu siya a lumakad tu bilay na ay inatádden na u bawat essa tu utusan na hide ti tarabaho, sakay kinagiyan na u tagabantay tu pintuwan a dapat lagi a handa tu káddemát na.

Lukas 13:4

Tungkul be tu sapulo ay ti walo a natay nikuna natáppelan hide nu tore a malangkaw a bilay ti Siloe ay isipán moy dán beman be a makpal hide a nagimet a madukás nan tu agum a mágyan ti Jerusalem?

Mateo 21:33

Nadid intulos ni Jesus u págtoldo na. “Sanigan moy u essa pa a talinghaga. Te essa a tolay a nagmula ti ubas tu luta na sakay kinudalan na. Naggimet siya hod ti pagpáspásan ti ubas. Sakay naggimet be siya ti essa a malangkaw a pagbantayan. Káttapos, inwahak na tu mágtarabaho u ubasan na sakay immangay siya tu iba a lugar.

Mateo 17:25

“On” tábbeg ni Pedro. Sakay nikuna dimmemát siya tu bilay ay nadipalonguwan siya ni Jesus a tinanong: “Anya beman u palagay mo Simon, kan deya magsingeh ti buwes u hare hide ti munduway? Tu sakup na hide oni tu taga iba hide a bansa?”

Mateo 22:17

Anya wád tu palagay mo? Neayon beman tu Kautusan a magbuwes tu Hari a Cesar oni awan?”

Mateo 21:27

Kaya tinábbeg de ti Jesus, “Awan mi tukoy!” Kinagi be ni Jesus, “Ni konna hod ay awan ko be tábbegan u tanong moy.”

Mateo 21:29

‘Umad ko,’ tábbeg na. Pero nagbago u isip na sakay umangay labe.