Mateo 20:8 - U Maganda A Baheta Ni Jesu-Cristo

⁸ Nikuna a sumaham dán u aldew, kinagi nu te kao tu ubasan tu tagapangasiwa na, ‘Dulawan mu dán u upaan hide sakay suwelduwan mo hide. Magsapul tu dimodyan hanggan tu dipalongo hide a nagtrabaho.’

Mateo 20:8 Referans Kwoze

1 Pedro 4:10

Pinagkaluuben nu Diyos u balang essa nikitam ti sadile na a kakayahan, kanya gamitán tam itod a kaluub para tu kapiyyaan nu atanan bilang mahusay a katiwala tu iba-iba a kaluub nu Diyos.

Hebreo 9:28

Konna labi hod, ti Cristo ay pumensan la a natay tán buhaán na u kasalanan nu tolay hide. Dumemát siya a huway, bakán a para tubusán a huway u kasalanan nu tolay nan tán iligtas na u magáohay hide nikuna.

Tito 1:7

Dipo u tungkulin nu essa a pinuno nu simbaan ay para tu Diyos, dapat a awan siya ti kapintasan. Dapat a awan siya hambug oni alisto a maiyamut sakay dapat be a awan siya máglasing, awan mággulo oni hupa ni pilak.

2 Corinto 5:10

Dipo atanan tam ay umatubang ni Cristo, sakay hatulan na u ginimet tam hide maganda man oni madukás, mentaras biyag kitam palla he ti munduáy. Tanggapán nu balang essa u karapat-dapat a hatul ayun tu ginimet na.

Lukas 12:42

Timmábbeg u Panginoon, “Ni deya u tapat sakay malalake a alipin ay siya i páng-intregaanay nu amo na tu kasabilay na hide ni tehhod siya a angayan. Siya i nakabahalaay a mangatád ti makan tu agum hide a utusan tu tama a odas.

Lukas 10:7

Ni deya u bilay a nagpatulos nikam ay hod kam la hod. Dyan kamon paagton-agton ti bilay; kanán moy sakay inumán moy u ánya man a ihayin di nikam. Dipo u tarahabador ay te karapatan a mangtanggap tu hornal na.

Lukas 8:3

sakay ti Juana a kabanga ni Cusa a katiwala ni Herodes, ti Susana sakay makpal pa a agum. Sadile de a pilak i nángtáttustus diyay tu kailangan di Jesus sakay tu disepulus na hide.

Mateo 25:31

Sakay kinagi pa ni Jesus “Dumemát u Anak nu Tolay bilang Hari, kaguman na u atanan a anghel. Sakay maghare siya tu atanan.

Mateo 25:19

Kállipas nu malay a panahon, sinumoli u amo nu utusan hide sakay nagkuwenta hide.

Mateo 20:7

‘Awan be ti mangatád nikami ti trabaho,’ tábbeg de. Sakay kinagi na, ‘Ni konna hod, angay kam magtrabaho tu ubasan ko. Upaan ta kam.’

Mateo 20:9

U nagsapul hide tu alas singko ti apon ay nakaalap ti upa a halaga nu nagtarabaho ti essa aldew.