Mateo 20:5 - U Maganda A Baheta Ni Jesu-Cristo

⁵ Lummuwas dámman u te kao tu alas dose ti tanghale sakay tu alas tres ti apon. Sakay pareho labe u ginimet na.

Mateo 20:5 Referans Kwoze

Gimet 10:9

Tu sumunud a aldew ay adene dán tu siyudad a Joppa u inutusan hide ni Cornelio. Ti Pedro ay simmangkay tu bubungan nu bilay para magdasal. Magtatanghali dán hod,

Gimet 10:3

Nikuna magala-alas tres dán ti apon ay netan na tu pangitain u essa a anghel nu Diyos a simmáddáp tu bilay na sakay kinagi na, “Cornelio!”

Gimet 3:1

Nadid, mga alas tres ti apon ay immangay di Pedro sakay ti Juan tu templo. Iye ay odas nu págdasal.

Juan 11:9

Timmábbeg ti Jesus, “Awan beman te sapulo ay ti duwwa a odas tu maghapun? Kanya u maglakad ti aldew ay awan siya medamba, dipo metan de u demlag ti munduway.

Juan 4:6

Ketan hod u bal-ung a kinaliyan ni Jacob. Káddemát di hod ay nággetnod ti Jesus tu gibis nu bal-ung, ta napagud siya a naglakad. Halus magtatanghale dán u aldew.

Juan 1:39

Kinagi nide ni Jesus, “Mákkuyog kam tán ketan moy.” Kanya nákkuyog u duwwa kaya netan de u páppágyanan na. Magalas kuwatro dán ti itod a apon, kanya hod dán hod hide a nagpalipas ti gibi.

Mateo 27:45

Sapul tu tanghali hanggan tu alas tres ti apon ay nagdiham u buo a lugar.

Mateo 20:4

Kinagi na nide, ‘Angay kam magtrabaho tu ubasan ko. Atádden takam ti tama a upa.’ Kanya immangay hide.

Mateo 20:6

Nikuna a magala singko ti apon ay lummuwas dámman siya sakay naketa pa ti iba a awan be nagtrabaho. Kinagi na nide, ‘Bakin kam a nagistambay la he tu buo a maghapon?’