Mateo 18:5 - U Maganda A Baheta Ni Jesu-Cristo

⁵ Sakay ni deya man a tumanggap tu essa a anak a kona he dipo bakán a hikán bale hikán u tinanggap na.”

Mateo 18:5 Referans Kwoze

Mateo 25:40

Sakay tábbegan ko hide, ‘Talaga a kagiyan ko nikam: nikuna ginimet moy iye tu pinakamababa hide a kákkapatkákka ko ay bilang hikán u kinagbiyan moy.’

Galacia 4:14

Pero maskin nahirapan kam ti husto tu págkasakit ko ay tiniisák moy, awanák moy inadiyan nan tinanggapák moy a kumán a anghel nu Diyos. Tinanggapák moy pa ngane a kumán a ti Jesu-Cristo.

Juan 13:20

Kagiyan ko nikam u tatahoden: U mangtanggap tu tolay hide a inutusan ko ay timmanggap nikán, sakay u mangtanggap nikán ay mangtanggap tu nángpaangay he nikán.”

Markos 9:37

“Ni deya man u mangtanggap ti anakáy a konna he dipo nikán ay tinanggapák na sakay u mangtanggap nikán ay tumanggap be tu ama a nángpaangay he nikán.”

Lukas 9:48

Sakay kinagi na nide, “Ni deya man u mangtanggap ti anakan iye alang-alang nikán ay hikán u tinanggap na, sakay ni deya man u mangtanggap nikán ay mangtanggap be tu nangutus nikán a umangay he. U mapagpakumbaba nikam a atanan ay siya u pinakadakila.”

Markos 9:41

Tandaan moy: ni ti deyaman u mangatád nikam maski essa a baso a dinom dipo hod kam ni Cristo ay siguradu a makatanggap ti gantimpala.”

Mateo 25:45

Sakay kagiyan ko nide, ‘Talaga a kagiyan ko nikam: nikuna awan moy kinagbiyan a tulungan u pinakamababa hide a kapatkákka ko ay bilang hikán u awan moy kinagbiyan.’”

Mateo 7:8

Dipo u atanan a magaged ay maatádden sakay u atanan a magehyok ay maketa sakay u atanan a magtoktok ay mabukasan.

Mateo 18:4

Ni deya man u magpakababa a kumán a anak a iye ay siya u pinakamataas tu pinaghariyán dán nu Diyos hide.

Mateo 18:6

Kinagi pa ni Jesus “Mas mapiyya pa tu essa a tolay a báttenan siya ti essa a dakál a bito tu álleg na sakay itápduk siya tu bállog nu diget nan magin ginábwatan siya nu págkasala nu essa tu konna he a anak a naniwala nikán.