Mateo 18:19 - U Maganda A Baheta Ni Jesu-Cristo

¹⁹ Sakay kagiyan ko pa be nikam: ni u duwwa nikam he ti lutaay ay magkaessa tu pagaged ti anya man a bagay tu pagdasal moy ay iyatád iye nikam nu Ama ko a atoy ti langit.

Mateo 18:19 Referans Kwoze

Mateo 7:7

Ni mangaged kam tu Diyos ay atádden na kam. Ni magehyok kam ay metan moy. Ni tumoktok kam tu pintuwan ay bukasan na para nikam.

Markos 11:24

Kanya kagiyán ko nikam, ánya man u agidán moy tu Diyos tu pamamag-itan nu dasal moy ay maniwala kam a matanggap moy dán itod, sakay talaga a matanggap moy ngani itod.

Juan 16:23

Ti aldiwan itod ay awan moy dán kailangan a magtanung nikán. Kagiyán ko nikam u tatahoden: Anya man u agidan moy tu Ama tu pamamag-itan nu ngahan ko ay iyatád na.

Filipos 1:19

ay u pag-asa ko a dumemát u aldew a makalayaák a huway tu tulung nu dasal moy sakay tu Banal a Ispirito ni Jesu-Cristo.

Mateo 21:22

Sakay anya man u agidan moy tu panalangin ay maalap moy, ni naniwala kam.”

Juan 15:7

Ni manatile kam nikán, sakay u upos ko ay manatile be nikam, ay iyatád ko u ánya man a agidán moy.

1 Juan 3:22

Matanggap tam u ánya man a agidán tam nikuna dipo sássunudán tam u utus na sakay gággimitán tam u makasaya nikuna.

Gimet 12:5

Kanya nanatile a pumáppireso ti Pedro. Pero mahigpit siya a idáddasal nu mánnampalataya hide.

Juan 15:16

Bakán a hikam u nangpile nikán, nan hikán u nangpile nikam, tán maglakad kam sakay magbunga tu bunga hide a manatile a hanggan-hanggan. Ni konna hod, ánya man u agidán moy tu Ama tu ngahan ko ay iyatád na nikam.

Gimet 1:14

Lagi hide a mamággipun-ipun para magdasal kaguman u bábbey hide sakay ti Maria a ina ni Jesus, konna bihod u kákkapatkákka ni Jesus a lállake.

Mateo 5:24

iwahak mu padla u alay mo tu atubang nu pággalayan sakay angay ka pa mákpagkasundu nikuna. Káttapos ay maari ka dán a sole a magalay.

Gimet 6:4

Para ilaan me be u panahun me tu págdasal sakay tu pángngaral tu Upos nu Diyos.”

Gimet 16:10

Kanya káttapos a ketan ni Pablo i pangitainan itod ay agad kame a immangay ti Macedonia, dipo nabate me a dinulaw kame nu Diyos a mangaral tu Maganda a Baheta tu tolay hod hide.