Mateo 15:32 - U Maganda A Baheta Ni Jesu-Cristo

³² Nadid dinulawan ni Jesus u disepulus na hide sakay kinagi na nide “Kakagbi u tolay hide. Tállo dán hide a aldew a kakaguman tam, awan dán hide ti makan. Awan ko gusto a palakadán ku hide a magaláp makay pumatay hide tu dilan.”

Mateo 15:32 Referans Kwoze

Mateo 9:36

Nikuna a netan na u tolay hide ay kinagbiyan na hide. Dipo mabalisa hide sakay awan de tukoy ni hádya hide magaged ti tulung. Kumán hide a tupa a awan ti pastol.

Gimet 27:33

Nikuna magamulaldew dán ay inakit hide ni Pablo a kuman. Kinagi na, “Kasapulo ay ti áppat moy dán nadid a aldew a awan ti kákkan dipo ti pakánbalisa sakay pakán uhay.

Hebreo 4:15

Maintendiyan kitam nu pinuno tam a Saserdote tu kahinaan tam hide. Dipo napurbaan na be a tinokso tu atanan a paraan, konna nikitam, pero maski nikan ay awan siya nagkasala.

Lukas 7:13

Pákketa nu Panginoon tu ina nu natay ay minahabag siya nikuna, kaya kinagi na nikuna, “Dyan ka dán magsanget.”

Markos 9:22

Lagi siya a patumbaán nu madukás a ispirito tu apoy oni kaya tu dinom dipo laan na siya a bunuwán. Kanya ni maare ay kagbiyan mo kame, ni ke magimet ka, tulungan mu kame.”

Mateo 27:63

Kinagi de nikuna, “Mahal mi a gobernador, naalala mi a kinagi nu mapagkunware an itod nikuna a biyag padla siya a huway siya mabiyag kállipas nu tállo a aldew.

Mateo 20:34

Kinagbiyan hide ni Jesus kanya kinahap na u matamata de. Pagdaka hide a naketa sakay tulos a sumunod nikuna.

Mateo 12:40

Konna ni Jonas a tállo a aldew sakay gibi a hod tu disalad nu tiyan nu dakál a tahod a ikan, ay hikán a Anak nu Tolay ay tállo be a aldew sakay gibi tu disalad nu luta.

Mateo 14:13

Nadid nikuna nasaneg iye ni Jesus ay sinumakay siya sakay u disepulus na hide tu essa a dakál a abang sakay inumangay tu essa a tahimik a lugar. Pero nikuna natukuyan iye nu tolay hide ay tinagubet de ti Jesus. Namaybay hide.

Mateo 15:33

Nagtanung u disepulus na “Anya be ipakan tamay nide? Atoy kitam tu parang, makpal pa be hide.”