Mateo 15:31 - U Maganda A Baheta Ni Jesu-Cristo

³¹ Kanya nagtaka u tolay hide nikuna a netan de a makaupos dán u bulol, makalakad dán u pilay, sakay maketa dán u buhák. Sakay pinuri de u Diyos nu Israel dipo tu nangyare.

Mateo 15:31 Referans Kwoze

Mateo 9:8

Nikuna netan iye nu tolay hide ay nagtaka hide sakay pinuri de u Diyos a nangatád ti konna hina a kapangyariyan tu tolay hide.

Lukas 18:43

Kaya ti odas biyan itod ay naketa siya sakay tulos a immunonod ni Jesus a nágpapuriyán tu Diyos. Nikuna a ketan itod nu katolayan ay atanan de a nagpure tu Panginoon.

Lukas 7:16

Neántingan hide a atanan sakay nagpure hide tu Diyos. Kinagi de, “Dummemát dán nikitam u dakila a prupeta. Immangay he u Diyos para tulungan na kitam a tolay na hide.”

Mateo 18:8

Ni u kamát oni tikád mo u ginábwatan nu pagkasala mo ay káttolan mo iye sakay ibut! Mapiyya pa a angay ka ti langit a káttol u essa mo a kamát oni tikád nan te duwwa ka a kamát o tikád sakay ti impiyerno labe u angayan mo.

Mateo 9:33

Kanya pinalayas ni Jesus u demonyo sakay pagdaka a nakaupos u tolay. Minagtaka u tolay hide sakay kinagi de “Sapul tu itod ay awan padla iye nangyare ti Israel.”

Juan 9:24

Kanya huway a impadulaw nu Judio hide u buhák sakay kinagi de nikuna, “Isumpa mo tu atubang nu Diyos a tatahoden u ikagi mo nikame. Awan maare a ti Jesus u nángpapiyya niko, ta makasalanan siya a tolay.”

Lukas 14:21

Nagsole u utusan sakay imbaheta na iye tu amo na. Nágngál u amo sakay kinagi na tu utusan na, ‘Sigi alistuwan mo angay ka tu kakarsada sakay tu mágkapiit hide a dilan tu banuwan sakay ikuyog muhe u mágkahirap hide a tolay, u lopog hide, u buhák hide, sakay u pilay hide.’

Lukas 14:13

Pero ni maghanda ka ti dakál a handaan, u akitán mo ay u magkahirap hide a tolay, u lumpo hide, u pilay hide, sakay u buhák hide.

Markos 9:43

Kanya kinagi ni Jesus, “Ni u kamát mo u mangatád niko ti págkakasala ay putáddán mo dán! Maganda pa a umangay ka ti langet a putád, kasera ni duwwa u kamát mo a meangay tu apoy a awan maada-adáp.

Markos 7:37

U atanan a nakasaneg ay nagtaka hide a tahod, kinagi de, “Maganda u gimet ni itona a lállake! maski u buhák ay naketa, sakay u bulol hide ay pagupusán na hide ti maganda.”

Markos 2:12

Tummaknág ngani u paralitiko samantala umaeleng u atanan a tolay. Agad na a tinawed u kákkatdugen na sakay lummakad, kanya atanan a katoy hod ay nagtaka. Nagpure hide tu Diyos sakay kinagi de, “Awan kami padla naketa ti konna he maskin nikasangan”!

Mateo 21:14

Te buhák sakay pilay hide a inyangay de ni Jesus tu templo sakay pinagpiyya na hide.

Mateo 8:10

Nikuna nasaneg iye ni Jesus ay nagtaka siya tu kapitan. Sakay kinagi na tu tolay hide a umunonod nikuna “Kagiyán ku nikam a awanák padla naketa ti Israelita a kapareho nikuna a kadakál ti pánnampalataya.

Mateo 9:32

Nadid tu káhhektat nu duwwa ay te inyangay hide ni Jesus a hinayup a bulol.

Mateo 15:30

Sakay inumangay nikuna u makpal a tahod a tolay a te tawed a pilay, buhák, bulol, sakay iba-iba pa a tolay a te sari-sare a saket. Iyadeni de hide ni Jesus sakay pinagpiyya hide ni Jesus a atanan.