Mateo 13:43 - U Maganda A Baheta Ni Jesu-Cristo

⁴³ Sakay dumemlag nadid u malinis hide a tolay konna tu aldew hod tu kahariyan nu Ama de. Ni ti deya u makasaneg ay pakaintendiyán na.”

Mateo 13:43 Referans Kwoze

Lukas 12:32

“Hikam a disepulus ko hide, dyan kam manteng, maski sasangan kam la dipo gugusto nu Diyos a kaguman nakam tu kahariyan na.

Mateo 11:15

Ni ti deya u masoh a mágsaneg ay dapat mágsaneg ti husto sakay intendiyán na u kinagi ko.”

Mateo 25:34

Sakay kagiyan ko tu atoy hide tu kawanan ko, ‘Kamon he, hikam a pinagpala nu Ama ko! Mágyan kam tu kaharian a inhanda para nikam sapul pa nikuna ginimet u mundo.

Santiagu 2:5

Mahal ko hide a kákkapatkákka, mágsaneg kam! Awan beman pinile nu Diyos u mágkahirap hide ti munduwan iye tánni magin mayaman ti pánnampalataya, sakay magin tagapagmana tu kahariyan a impananto na tu atanan a magmahal nikuna?

1 Corinto 15:58

Kaya ngane, mahal ko hide a kákkapatkákka, magpakatatag kam sakay dyan manghina. Magpakasipag kam tu págserbi tu Panginoon dipo tukoy moy a awan masayang u pagud moy para nikuna.

Lukas 22:29

Ni kodyaák a pinagkaluuben nu Ama ti karapatan a maghare, pagkaluuben takam be ti karapatan a maghare a konna nikán.

Mateo 26:29

Kagiyan ko nikam a awannák dán uminom ti alak a gábwat ti ubas hanggan ti aldew a u bigo dán a alak u inuman ko a kaguman kam tu kahariyan nu Ama ko.”

Mateo 25:36

Hikán ay awan ti mesulot pero ináttadden moy ti damit. Nagkasakiták tapos inasikasoák moy. Hikán ay nepiriso tapos binisita moy.’

Markos 4:23

Kinagi ni Jesus “Hikam a mágsaneg hide, dapat moy iye a isipán sakay intendiyán.”