Mateo 12:7 - U Maganda A Baheta Ni Jesu-Cristo

⁷ Awan moy nakwa hinatulan u awan ti kasalanan ni naintendiyan moy la u kinagi nu Diyos a ‘Gusto ko a kagbiyan moy u tolay hide, bakán a u alay moy nikán.’

Mateo 12:7 Referans Kwoze

Mateo 9:13

Angay moy intendiyán u kinagi nu Panginoon tu kasulatan na ‘Gusto ko a kagbiyan moy u tolay hide, bakán a u alay moy.’ Dipo awanák ummangay ti munduwáy para kagiyan u malinis hide a tolay a magsisi nan u makasalanan hide.”

Gimet 13:27

Awan tinengge nu taga-Jerusalem hide sakay u puno de hide a ti Cristo u Tagapagligtas. Maski u Kasulatan a hula nu prupeta hide a bábbasaán de kada Aldew nu Káimang nu Judio hide ay awan de naintendiyan. Hide pa u nángpatupad ti hulaan itod nikuna hatulan de ti kamatayan ti Jesus.

Mateo 22:29

Timmábbeg ti Jesus, “Liwat kam a tahod, dipo awan moy tukoy u Kasulatan hide oni u kapangyariyan nu Diyos.

Santiagu 5:6

Pinarusaan moy sakay pinabuno u tolay hide a awan ti kasalanan, maskin awan hide linumaban nikam.

Markos 12:33

Sakay napakahalaga u magmahal nikuna tu buo a puso, buo a pag iisip, sakay tu buo a begsák. Sakay kailangan be a mahalán u kapatkákka konna tu págmahal tam tu sadile tam. Iye u pinakamahalaga kasera tu ánya man a kalase ni alay a táttutudán sakay tu iba pa hide a handug.”