Mateo 12:29 - U Maganda A Baheta Ni Jesu-Cristo

²⁹ Awan mo masáddáp sakay mapagtakawan u bilay nu essa a makapangyariyan a tolay ni hanggan awan mo siya mapungo. Ni mapungu mu dán siya ay maari mu dán a mapagtakawan u bilay na.

Mateo 12:29 Referans Kwoze

Markos 3:27

Awan maare a sáddáppán nu mágtakaw u bilay nu mabegsák a tolay ni awan pa siya megapus. Pero ni megapus dán ay maare dán a pagtakawan u bilay na.

1 Juan 4:4

Anak ko hide, kao kamon nu Diyos sakay napagtagumpayan moy dán u liwat hide a prupeta. Dipo u Ispirito a katoy nikam ay mas makapangyariyan nan u ispirito a katoy ti munduway.

1 Juan 3:8

U magtulos-tulos a maggimet ti kasalanan ay kaessa ni Satanas dipo sapul pa tu itod ay mággagimitán dán siya ti kasalanan. Kaya ummangay he u Anak nu Diyos ay para sidaán u gimet ni Satanas.

Mateo 12:28

Pero ni nagpalayasák ti demonyo tu kapangyariyan nu Ispiritu nu Diyos ay nagpatunay ina a dumemát dán nikam u pághari nu Diyos.

Mateo 12:30

Ni deya u awan tumulung nikán ay kontra nikán sakay ni deya u awan tumulung nikán a magpaipun ti tolay ay magpaadeyo nide.