Mateo 12:24 - U Maganda A Baheta Ni Jesu-Cristo

²⁴ Pero nikuna nasaneg iye nu Pariseo hide ay kinagi de “Kanya mapalayas na u demonyo hide dipo inatádden siya ti kapangyariyan ni Satanas.”

Mateo 12:24 Referans Kwoze

Markos 3:22

Tehhod be a dimmemát a gábwat ti Jerusalem a tagapagtoldu hide tu Kautusan, kinagi de, “Sináddáp siya ni Satanas a pinakapuno nu mágkadukás a ispirito. Sakay iye u mángatád nikuna ti kapangyariyan a magpaibut tu mágkadukás hide a ispirito.”

Mateo 9:34

Pero kinagi nu Pariseo hide “Makapalayas siya ti demonyo dipo inatádden siya ti kapangyariyan ni Satanas u hare nu demonyo hide.”

Lukas 11:15

Pero kinagi nu agum, “Ti Beelzebul a pinuno nu demonyo hide u nangatád nikuna ti kapangyariyan a mágpalayas tu demonyo hide.”

Mateo 9:32

Nadid tu káhhektat nu duwwa ay te inyangay hide ni Jesus a hinayup a bulol.

Mateo 10:25

U madanas nu tagapagtoldu ay madanas labe nu disepulus na. Madanas labe nu utusan u madanas nu amo. Ni hikán a tagapagtoldu moy ay nginahanan de a Satanas mas grabe u ingahan de nikam a disepulus ko hide.”

Lukas 11:14

Tehhod a essa a lállake a pinabangngag nu essa a dimonyo. Nadid pinaibut ni Jesus u demonyo a dahilan nu kákkabulol nu essa a lállake, kanya nakapagupos dán siya kanya nagtaka u katolayan.