Mateo 12:15 - U Maganda A Baheta Ni Jesu-Cristo

¹⁵ Pero tukoy ni Jesus u pinalano de kanya linakaden na itod a lugar. Makpal a tolay u umunonod nikuna sakay pinagpiyya na u atanan a te saket nide.

Mateo 12:15 Referans Kwoze

Mateo 10:23

Ni dustaán di kam tu essa banuwan ay guminan kam tu iba. Kagiyán ku nikam a awan moy pa maangayan u atanan a banuwan ti Israel ay makademáták dán a Anak nu Tolay.”

Juan 11:54

Kanya awan dán lantad a pumeta ti Jesus tu Judio hide nan immangay siya tu lugar a adene tu kaparangan, tu essa a banuwan a ni dulawán ay Efraim. Sakay hod pahod siya a nákpágyan kaguman nu disepulus na hide.

Juan 7:1

Nadid, káttapos ay linebut ni Jesus i Galilea. Umád na a umangay ti Judea dipo gusto siya a bunuwán nu puno nu Judio hide.

Mateo 19:2

Inunonod siya nu dapat a kakpal a tolay sakay pinagpiyya na hide hod.

Markos 6:56

Maskin hádya siya a umangay, tu babaryo, tu banu-banuwan, oni tu buki-buked ay iyangay di nikuna u te saket hide, tu lugar a pagipun-ipunan nu tolay hide. Nákkekagbi hide ni Jesus ani maare ay pakahapán na u kessaket hide maskin u garayan nu damit na. Sakay u atanan nu makakahap ay magpiyya.

1 Pedro 2:21

U págtiis ti hirap ay kaguman tu pángpile nikam nu Diyos; dipo maski ti Cristo ay nagtiis ti hirap para nikam, I págtiis naan iye ay essa a halimbawa a dapat moy a ahigán.

Galacia 6:9

Kanya diyan kitam magsawa a maggimet ti maganda tu agum a tolay. Dipo dumemát u aldew a makatanggap kitam ti gantimpala tu awan tam káimang tu pággimet ti maganda.

Juan 9:4

Kailangan a tupadán tam u tarabaho nu nangpaangay he nikán, mentaras a magimet tam palla. Dipo dumemát dán u gibi a awan tamon magimet u ipagimet na.

Lukas 6:12

Ti panahunan itod ay immangay ti Jesus tu bumábbuked sakay sagibi siya hod a nágdasal.

Lukas 5:22

Pero tukoy ni Jesus u katoy tu isip de kaya kinagi na nide, “Bakin magisip kam ti konna hina?

Lukas 9:11

Nikuna matukuyan iye nu tolay hide ay timmagubet hide. Sakay masaya be hide a tinanggap ni Jesus sakay nangaral siya nide tungkul tu pághare nu Diyos. Pinagpiya na be u te saket hide.