Mateo 12:14 - U Maganda A Baheta Ni Jesu-Cristo

¹⁴ Linumakad u Pariseo hide sakay namágguhonan de ni kodya de ti Jesus a bunuwán.

Mateo 12:14 Referans Kwoze

Juan 11:53

Sapul hod ay binalak de a ipabuno ti Jesus.

Juan 10:39

Nadid, u te tungkulin hide a Judio, pákkasaneg de ti itod ay laan di dámman siya a dakáppán, pero awan ta nakalakad siya.

Juan 5:18

Kanya ngahe-ngahe a bunuwán nu Judio hide ti Jesus tu iyamut de, pero bakán la a dipo tu páglabag tu batas tungkul tu Aldew nu Káimang nan dipo kákkagiyán na pa a u Diyos u Ama na, sakay iyaheg na u sadile na tu Diyos.

Lukas 6:11

Pero grabi u iyamut nu maisto hide nu Kautusan sakay u Pariseo hide. Kanya namágguhon hide ni ánya u dapat de a gimitán ni Jesus.

Markos 3:6

Kanya limmakad a agad u Pariseo hide sakay nákpágguhon tu tagasuporta hide ni Herodes para ipabuno de ti Jesus.

Mateo 26:4

Nagplano hide a sekreto de a ipadakáp ti Jesus sakay ipabuno.

Juan 11:57

Ti itod a panahun ay inyutus nu pinuno nu Saserdote hide sakay nu Pariseo hide a ikagi ni ti deya man u makatukoy ni hádya ti Jesus para madakáp de siya.

Mateo 27:1

Tu dimadimang, namagguhon u pupuno hide nu saserdote sakay u pinuno hide nu banuwan ni kodya de a ipabuno ti Jesus.

Markos 14:1

Duwwa dálla a aldew ay piyesta dán nu pággala-ala nu Judio hide tu kálluwas de ti Egipto, sakay Piyesta be nu tinapay a awan ti Págpaalsa. Nadid, u puno nu saserdote hide sakay u eskriba hide a maisto nu Kautusan ay pinamágguhunan de ni kodya de a ipadakáp ti Jesus a awan ti makatukoy sakay pabuno de.

Lukas 22:2

U puno nu saserdote hide sakay u Maisto hide nu Kautusan ay magileng ti paraan tánni mepabuno de ti Jesus, pero maingat hide dipo manteng hide tu tolay hide.

Juan 7:30

Dipo ti kinagiyan itod hide ni Jesus ay gustu dán siya a dakáppán nu pinuno nu Judio hide, pero awan ti nangahas dipo awan na palla odas.

Juan 7:32

Nikuna a nasaneg nu Pariseo hide u pamágguhunan nu tolay hide tungkul ni Jesus, u pinuno nu Saserdote hide ay nagutus ti guwardiya tu templo para dakáppán ti Jesus.

Juan 7:44

U sangan nide ay gusto de siya a dakáppán, pero awan ti nagbegsák ti isip a gimitán iye.

Juan 8:59

Dipo ti iye ay nangkáppot ti bito u tolay hide para batikalán de siya. Pero timmagu ti Jesus sakay limmakad tu templo.

Juan 10:31

Nikuna a masaneg iye nu Judio hide ay huway hide a nangkáppot ti bito para batikalán de siya.