Mateo 11:8 - U Maganda A Baheta Ni Jesu-Cristo

⁸ Oni essa a tolay a maganda ti badu? U magbadu ti konna hina ay hod la mágyan ti palasyo bakán a ti kaparangan.

Mateo 11:8 Referans Kwoze

Mateo 3:4

U badu ni Juan ay gimet tu nalade a buuk nu hayup a kamelyo. U sinturon na ay gimet be tu koblet nu hayup. Sakay u kákkanán na ay haksa sakay bisa ni pitukan.

Pahayag 11:3

Paangayán ko hod u duwwa ko a tistigu a nakabadu ti pangluksa sakay ipahayag de u upos nu Diyos tu alay nu 1,260 a aldew.”

2 Corinto 11:27

Nadanas ko be u matindi a hirap sakay pagud, pirme a magpuyat, matindi a aláp sakay uwaw. Nagdanasák ti dágnen dipo awanák ti mealikábkáb.

1 Corinto 4:11

Hanggan ti iye a odas ay magaláp kame, mauwaw, sakay ngahe-ngahe a awan dán ti mesulot; páppasakitan sakay awan kame dálla ti matulu-tulusan.

Mateo 11:7

Nikuna lumakad dán u disepulus ni Juan ay sinapulan a impaliwanag ni Jesus u patungkul ni Juan tu katolayan hide. Kinagi na nide “Anya beman u angay moy inileng tu kaparangan? Essa beman a mahina a lállake a konna tu kugun a alisto la idappay-dappay nu pahás?

Mateo 11:9

U angay moy beman inileng ay essa a propeta? Tama, pero ti Juan ay mas higit pa tu propeta.

Lukas 7:25

Ánya beman u gusto moy a ketan? Essa tolay a nakabihis ti mamahalin? U tolay hide a magsulot ti mamahalin ay mágkayaman sakay mámmágyan la tu palasyo nu hare.