Mateo 10:41 - U Maganda A Baheta Ni Jesu-Cristo

⁴¹ Ni ti deya u mangtanggap tu essa a propeta dipo siya ay propeta nu Diyos ay makatanggap be gábwat tu Diyos ti gantimpala a nelaan para tu essa propeta. Sakay ni ti deya u mangtanggap tu essa a malinis a tolay dipo tu kabaitan na ay makatanggap be ti gantimpala a nelaan para tu malinis a tolay.

Mateo 10:41 Referans Kwoze

Hebreo 6:10

Dipo matapat u Diyos. Awan na kalimunan u gimet moy sakay u págmahal moy nikuna tu pamamag-itan nu págserbi moy tu kákkapatkákka moy hide a Kristiyano, a hanggan nadid ay gággimitán moy pade.

2 Juan 1:8

Magingat kam tánni awan mawanan ti kabuluhan u pinaghirapan me nan maalap moy u kabuuwan nu gantimpala moy.

1 Corinto 9:17

Ni gimitán ko iye tu sadile ko a kagustuwan ay tehhodák a mauhay a upa; pero u tatahoden gimitán kula u tungkulin ko dipo iye u nepagkatiwala nikán nu Diyos.

Mateo 16:27

Dipo pademát u Anak nu Tolay a te kapangyariyan a gábwat tu Ama na sakay kaguman na u anghel hide. Ti panahunan itona ay hatulan na u kada tolay ayun tu ginimet na.

Mateo 6:18

para awan mapospusan nu tolay hide a nagkulasyon kam. Nan u nakatukoy la ay u Ama moy la ti langet a awan ketan. Sakay siya u mangatád nikam tu gantimpala moy.”

Roma 16:23

Kákkumustaán kam be ni Gayo. Hikán a ti Pablo ay náktulos tu bilay na, he be a magipun-ipun u mánampalataya he hide. Kákkumustaán kam be ni Erasto a tusurero nu banuwan sakay tu kapatkákka tam a ti Cuarto.

Mateo 6:6

Pero hikam, ni magdasal kam ay angay kam tu awan ti tolay a lugar sakay magdasal kam tu Ama moy a awan tam ketan. Sakay siya a naketa nikam u mangatád nikam ti gantimpala.”

Gimet 16:15

Sakay nagpabawtismo siya sakay tu buo na a pamilya. Káttapos ay inakit na kame, “Ni maniwala kam a tatahodinák dán a mánnampalataya tu Panginoon ay tumulos kam ti bilay.” Kanya tinanggap me u pággakit na.

Mateo 6:4

Gimitán moy la iye a sekreto sakay gantimpalaan kam nu Ama moy ti langet a naketa nikam.”

Mateo 6:1

Kinagi pa ni Jesus “Siguraduwán moy a dyan kam la maggimet ti maganda para la ipeta tu tolay tánni puriyán di kam. Dipo awan kam ti gantimpala a maalap tu Ama moy ti langet.

Mateo 7:8

Dipo u atanan a magaged ay maatádden sakay u atanan a magehyok ay maketa sakay u atanan a magtoktok ay mabukasan.

Mateo 25:44

Sakay tummábbeg be hide, ‘Panginoon, nikan mi ka a netan a nagaláp oni nauwaw oni nagin dayo oni nawanan ti mesulot oni te sakit oni atoy tu piresuwan sakay awan mi ka pinagserbiyán?’

Mateo 25:45

Sakay kagiyan ko nide, ‘Talaga a kagiyan ko nikam: nikuna awan moy kinagbiyan a tulungan u pinakamababa hide a kapatkákka ko ay bilang hikán u awan moy kinagbiyan.’”