Mateo 10:33 - U Maganda A Baheta Ni Jesu-Cristo

³³ Pero ni ti deya u tumanggi a disepulus ko siya tu agum ay itanggi ku be siya nama ko.”

Mateo 10:33 Referans Kwoze

2 Timoteo 2:12

Ni pagtiisan tam u hirap sakay awan kitam umimang tu kássunud ni Jesus, Ay maghare kitam be a kaguman na. Ni ikasanike tam siya tu atubang nu tolay hide, Ay ikasanike na kitam be.

Lukas 9:26

Ni ikasanikiyák moy sakay u upos ko hide, ay ikasanike kam be nu Anak nu Tolay tu kássole na. A tehhod a kapangyariyan iye ay kapareho nu kapangyariyan nu Ama sakay tu banal hide a anghel.

Lukas 12:9

Pero ni deya man u mángpamen nikán tu atubang nu katolayan ay ipamen ko be tu atubang nu anghel hide nu Diyos.

1 Juan 2:23

U awan tumenggi tu Anak ay awan be tumenggi tu Ama. Ni deya man u tumenggi tu Anak ay tumenggi be tu Ama.

2 Pedro 2:1

Pero nagkahod be ti mágkabule a prupeta tu itod ti Israel. Sakay nadid ay konna bihod dipo tehod nikam a dumemát a mágkabule a prupeta. Magkunware hide a tatahoden u itáttoldu de nikam pero baka-bakán bal. Iye a adal de ay maka sida tu pánniwala moy. Adiyan de u Panginoon a nangtubus nide kaya bigla a dumemát u kapahamakan bilang parusa nide.

Markos 14:30

Tinábbeg siya ni Jesus, “Tandaan mo, bagu a magtarakket ti pumenduwwa u manok nadid a gibi ay pentálluwák mo a ipamen.”

Markos 8:38

Ni ikasanikiyák moy sakay ni ikasanike moy be u upos ko tu tolay hide a makasalanan nadid a panahun, sakay ni awan kam tapat tu Diyos ay ikasanike kam be nu Anak nu Tolay káddemát na a tehhod a kapangyariyan a gábwat tu Ama na, kaguman na u anghel hide.”

Markos 14:72

Nagtarakket dámman u tandang. Kanya naala-ala ni Pedro u kinagi ni Jesus nikuna a, “Bagu a magtarakket u manok ti pumenduwwa ay pumentálluwák mo a ipamen.” Kanya nágsasangitán siya ti husto.

Lukas 22:57

Pero impamen ni Pedro, kinagi na, “Aha! Awan ko siya matengge!”