Mateo 1:18 - U Maganda A Baheta Ni Jesu-Cristo

¹⁸ Nadid konna he i istoryaay nu kákkaenak ni Jesu-Cristo: Ti Maria a ina ni Jesus sakay ti Jose ay nasakad dán. Pero bagu hide a nagagum ay nagbuktet ti Maria tu pamamagitan nu kapangyariyan nu Banal a Ispiritu.

Mateo 1:18 Referans Kwoze

Hebreo 10:5

Kanya ngane, nikuna a dimmemát ti Jesus he ti munduwáy, ay kinagi na tu Ama na, “U alay hide a hayup ay awan mo gusto, kanya inhanda mo u bággi ko para magin alay.

Hebreo 7:26

Ti Jesus, u kailangan tam a pinakapuno a saserdote. Dipo banal siya sakay awan ti kapintasan, awan ti kasalanan sakay hiwalay tu makasalanan hide, sakay kataasan ti langet.

Lukas 1:25

Kinagi ni Elizabet, “Nadid ay kinagbiyanák nu Panginoon. Inatáddinák na ti anak para awanák dán mepasanike tu katolayan!”

Mateo 1:1

Sa iye i listaanay nu kaapo-apuwan ni Jesu-Cristo a lahe ni (Hari a) David sakay ni Abraham.

Mateo 2:11

Kássáddáp de tu bilay ay netan de u anak a kaguman nu ina na a ti Maria. Limmuhud hide sakay dinumapa bilang pággalang de nikuna. Káttapos ay inluwas de u regaregaro de sakay inyatád de nikuna u regaregaro de a ginto, pasáppot a suub sakay mira.

Mateo 12:46

Nadid alay nu pággupos ni Jesus tu katolayan ay dummemát u ina sakay kapatkákka na hide a lállake. Nágtaknág hide tu luwas nu bilay sakay gusto de siya a uhunán.

Lukas 2:5

Kaguman ni Jose ti Maria a magin kabanga na a angay magparihistro. Nadid ti itod be a bulan ay taráeenakan dán.