Markos 5:34 - U Maganda A Baheta Ni Jesu-Cristo

³⁴ Pero kinagi nikuna ni Jesus, “Anak, pinagpiyya ka nu pánnampalataya mo. Kadmudán sakay pamayapaan mo isip muwe. Nagpiyya ka dán.”

Markos 5:34 Referans Kwoze

Lukas 8:48

Kinagi na nikuna, “Anak, pinagpiyya ka nu pánnampalataya mo. Sole ka dán a tehhod a kapayapaan.”

Mateo 9:22

Kanya linumingat ti Jesus sakay pákketa na tu babbey ay kinagi na “Magsaya ka, dipo tu pánnampalataya mo ay nagpiyya ka.” Ti itona be a odas ay nagpiyya u bábbey.

Lukas 18:42

Kinagi ni Jesus nikuna, “Mangyare u gustu mo! Maketa ka dán dipo tu pánniwala mo nikán.”

Lukas 7:50

Sakay kinagi na tu bábbey, “Inligtas ka nu pánnampalataya mo, lumakad ka a mapayapa.”

Markos 5:29

Pagdaka ngani a ummimang u págdigi na sakay naramdaman na a nagpiyya dán siya.

Gimet 14:9

Mággetnod siya hod a mágsaneg tu pángngaral ni Pablo. Lináttángngan siya ni Pablo sakay netan na a tehhod siya a pánnampalataya a magpiyya.

Lukas 17:19

Sakay kinagi ni Jesus nikuna, “Tumaknág ka dán sakay sole! Pinagpiyya ka dipo tu pánnampalataya mo.”

Markos 10:52

Kinagi ni Jesus nikuna, “Sumoli ka dán pinagpiyya ka nu pánnampalataya mo.” Agad siya a naketa, sakay immunonod siya ni Jesus tu dilan.

Mateo 9:2

Káddemát di hod ay intugán nu sasangan a tolay u essa a tolay a awan makaahikad ni Jesus. U tolay ay nágkatdug tu essa a ayod. Nikuna netan ni Jesus a te pánnampalataya hide nikuna ay kinagi na tu tolay a awan makaahikad “Anak, magsaya ka dipo pinatawad ta ka dán tu kasalanan mo.”

Markos 3:10

Dipo makpal dán siya a pinagpiyya, dayuwán siya nu atanan a te saket tán para matawiden di la siya.

Markos 5:33

Palibhasa tukoy nu bábbey u nangyare, kanya immadene siya a magpágpág ti ánteng sakay limmuhud tu atubang ni Jesus. Sakay kinagi na u buo a tatahoden tungkul tu nangyare nikuna.

Gimet 15:33

Káttapos nu sangan a aldew a pákpágyan hod nu duwwa ay nagsole dán hide tu nangpaangay hod nide a tehhod a pakkumusta a gábwat tu taga hod hide.

Gimet 16:36

kanya kinagi nu guwardiya ni Pablo, “Inyutus nu pinakapuno hide nu banuwan a maare kamon a lumuwas. Kád moy dán, lumakad kamon a tehhod a kapayapaan.”

Santiagu 2:16

sakay kagiyán moy nikuna, “Kagbiyan ka nakwa nu Diyos a maketa ti badu sakay makan moy,” makatulung beman itod ni awan moy atádden tu kailangan de?