Markos 3:5 - U Maganda A Baheta Ni Jesu-Cristo

⁵ Maiyamut sakay malungkut ti Jesus a immileng tu tolay hide a katoy tu palebut na, dipo tu kaigáttan nu ulo de. Káttapos ay kinagi na tu te saket, “Iyolnat mo i kamát muwe.” Inyolnat be nu lállake u kamát na sakay nagpiyya iye.

Markos 3:5 Referans Kwoze

Lukas 6:10

Sakay inileng na hide a atanan sakay káttapos ay kinagi na tu lállake, “Iyolnat mo i kamát muwe!” Kaya tu páng-olnat na tu kamát na ay pagdaka a nagpiya.

Efeso 4:18

Sakay awan hide ti pang-intendi. Dipo awan hide ti tukoy sakay mágkaigát u ulo de, awan hide ti bahagi tu biyag a impagkaluub nu Diyos.

Roma 11:25

Kákkapatkákka ko hide, gusto ko a matukuyan moy u essa a katutuhanan a nadid ko la a ikagi nikam, tánni awan magin mataas u pangisip moy tu sadile moy. U págmaigát nu Judio hide ay pansamantala la, awan habang panahun. Iye ay hanggan a makompleto u bilang nu Hentil hide a manampalataya ni Cristo.

Mateo 12:13

Sakay kinagi na tu tolay “Iyolnat mo i kamát mowe.” Inyolnat ngane nu tolay u kamát na sakay nagpiyya, nagin kapareho nu essa na a kamát.

Pahayag 6:16

Sakay kinagi de tu buked hide sakay tu bito hide, “Tapuhan moy kame tánni awan kame ketan nu mággetnod tu trono, sakay tánni awan mi dán madanas u iyamut nu Tupa!

Hebreo 5:9

Nikuna a nagin ganap dán siya, ay siya u naggábwatan nu awan ti katapusan a kaligtasan nu atanan a sumunud nikuna.

Hebreo 3:17

Sakay ti deya u naiyamutan nu Diyos tu alay nu áppat a pulo a taon? Awan beman, u nagkasala hide a nágkatay tu parang?

Efeso 4:30

Sakay dyan moy palungkután u Banal a Spirito, dipo siya u tanda nu Diyos nikam, sakay siya u katibayan nu kaligtasan moy káddemát nu netakda a aldew.

Efeso 4:26

Ni mágngál kamman ay diyan kam magkasala. Sakay dyan moy dán paalayán u ingál moy,

2 Corinto 3:14

U tatahoden, awan naintendiyan nu Israelita hide u kahulugan ni iye tu itod dipo mágkaigát u ulu de a kumán a te tumáttakáp tu isip de. Sakay hanggan nadid ay awan di palla naintediyan iye kada basaán de u date a kasunduwan dipo te tumáttakáp palla tu isip de. Sakay mawan la i takáppan ina, ni nákpágkaessa u essa a tolay ni Cristo.

Juan 9:7

Kinagi ni Jesus tu buhák, “Kadmudán magidemos tu dinom nu Siloam.” Kanya inumangay hod u buhák a nagidemos. Tu kássole na ay naketa dán siya.

Lukas 17:14

Pákketa ni Jesus nide ay kinagi na, “Kámmoy dán sakay pumeta kam tu saserdote hide.” Mentaras a maglakad hide ay nagpiyya hide.

Lukas 13:15

Kanya tinábbeg siya nu Panginoon, “Hikam a magkukunware hide! Awan beman magtarabaho kam be tu Aldew nu Káimang? Agen moy ben okbisan tu nagulaan moy u baka oni asno moy sakay angay moy painumán tu áinuman de maske tu Aldew nu Káimang, awan beman?

Hebreo 3:10

Kanya nabate de u iyamut ko sakay kinagi ko, “Pirme hide a sumuway nikán, awan di dán sunudán u kagiyán ko.”’

Markos 3:4

Káttapos ay tinanung nabe u tolay hide, “Ánya beman u ayun tu Kautusan, u maggimet ti maganda oni maggimet ti madukás tu Aldew nu Káimang? U mángligtas ti biyag oni mamuno?” Pero awan hide timmábbeg.