Markos 3:2 - U Maganda A Baheta Ni Jesu-Cristo

² Kanya binantayan nu agum a tolay a hed-hod ni pagpiyyaán ni Jesus i lállakeyan itod tu Aldew nu Káimang, támpara tehhod hide a mebintang nikuna.

Markos 3:2 Referans Kwoze

Lukas 14:1

Nadid, essa Aldew nu Káimang, inakit nu essa a puno nu Pariseo hide ti Jesus a kuman tu bilay na. Sakay áelingan nu komontara hide nikuna u ahikad na hide.

Lukas 6:7

Binábbantayan nu maisto hide nu Kautusan sakay nu Pariseo hide ti Jesus, ni magpapiyya siya tu aldew nu Káimang tánni tehhod hide a mesihe nikuna.

Lukas 20:20

Kaya naguhay dálla hide ti essa a tiyempo. Sinuhulan de u sangan a tolay para magkukunware a magehyok ti katutuhanan. Ginimet de iye para dakáppán de siya ni magkamale siya tu pággupos na, tánni konna hod ay mekaso de siya tu gubernador.

Juan 9:16

Kinagi nu sangan a Pariseo, “Bakán a gábwat tu Diyos i tolayan iye, dipo awan na sinunud u utus tungkul tu Aldew nu Káimang.” Pero kinagi be nu agum, “Ni makasalanan siya a tolay, kodya siya a makagimet tu konna he a makataka-taka a bagay?” Awan hide namágkasungdu tu áisipán de tungkul ni Jesus.

Mateo 12:10

Hod ay naketa siya ti tolay a te essa a kamát a awan dán magahikad. Tinanung siya nu Pariseo hide tánni mabintang de siya “Maari wád tu Kautusan a magpapiyya tu te saket tu Aldew nu Káimang?”

Markos 3:3

Dinulaw ni Jesus u lállake a patay ti kamat, “Karon he!”

Juan 8:6

Intanung di iye para subukán dila ti Jesus, dipo magehyok hide ti mebintang de a kontara nikuna. Pero dimmukog la ti Jesus sakay nagsulat tu luta tu pamamag-itan nu toldu na.