Markos 2:5 - U Maganda A Baheta Ni Jesu-Cristo

⁵ Nikuna ketan ni Jesus ni sakodya a kadakál u pánniwala de ay kinagi na tu paralitiko, “Anak, pinatawad dán u kasalanan mo hide.”

Markos 2:5 Referans Kwoze

Mateo 9:2

Káddemát di hod ay intugán nu sasangan a tolay u essa a tolay a awan makaahikad ni Jesus. U tolay ay nágkatdug tu essa a ayod. Nikuna netan ni Jesus a te pánnampalataya hide nikuna ay kinagi na tu tolay a awan makaahikad “Anak, magsaya ka dipo pinatawad ta ka dán tu kasalanan mo.”

Santiagu 5:15

U panalangin a te pánnampalataya ay makapagpapiyya tu te saket, sakay pabegsákkán siya nu Diyos sakay patawadán na ni te kasalanan siya.

Mateo 9:22

Kanya linumingat ti Jesus sakay pákketa na tu babbey ay kinagi na “Magsaya ka, dipo tu pánnampalataya mo ay nagpiyya ka.” Ti itona be a odas ay nagpiyya u bábbey.

Efeso 2:8

Dipo tu habag nu Diyos ay naligtas kam tu pamamag-itan nu pánnampalataya moy ni Cristo. Iye a kaligtasan ay kaluub nu Diyos, bakán a gábwat nikam.

Gimet 5:31

Inyangay siya nu Diyos ti langet sakay inatádden ti kataasan a katungkulan a makaguman na a maghare ti langet. Siya u Mangsakup sakay Mángligtas nikitam. Ginimet itod nu Diyos tánni magkahod ti págkakataun u lahe hide ni Israel a magsise sakay mangaged ti tawad tu kasalanan de hide tánni mapatawad hide.

Juan 5:14

Káttapos ay netan ni Jesus u lállake tu disalad nu templo sakay kinagiyan na, “Nadid dipo nagpiyya ka dán, dyan ka dán nakwan magkasala, ta bakay te mangyare pa niko a mas lalo a madukás.”

Lukas 5:20

Nikuna ketan ni Jesus u pánnampalataya de ay kinagi na tu paralitiko, “Anak, napatawad ka dán tu kasalanan mo hide.”

Colosas 3:13

Mamágpasensiyaan kam sakay mamágpatawaden ni te saket kam ti isip tu balang essa. Magpatawaden kam konna tu págpatawad nikam nu Panginoon.

2 Corinto 2:10

Ni deya man u pinatawad moy ay pinatawad ko dán be. Ni nagpatawadák man tistigu ko ti Cristo a ginimet ko itod alang-alang nikam.

1 Corinto 11:30

Kaya sa iye u dahilan ni bakin a mágkahina sakay masasaktin u kakpalan nikam, sakay u agum pa nikam ay nágkatay dán.

Gimet 14:9

Mággetnod siya hod a mágsaneg tu pángngaral ni Pablo. Lináttángngan siya ni Pablo sakay netan na a tehhod siya a pánnampalataya a magpiyya.

Gimet 11:23

Nikuna dumemát hod sakay netan na u págpapala nu Diyos nide ay nasaya siya sakay pinayuwan na hide a atanan a manatile hide a tapat tu Panginoon.

Juan 2:25

Sakay awan dán siya kailangan a kagiyan tungkul tu tolay hide, dipo tukoy na ni ánya u katoy tu puso de.

Lukas 8:48

Kinagi na nikuna, “Anak, pinagpiyya ka nu pánnampalataya mo. Sole ka dán a tehhod a kapayapaan.”

Markos 5:34

Pero kinagi nikuna ni Jesus, “Anak, pinagpiyya ka nu pánnampalataya mo. Kadmudán sakay pamayapaan mo isip muwe. Nagpiyya ka dán.”

Mateo 9:5

Anya beman u alisto a gimitán ti tolayáy, kagiyán ku nikuna a ‘Pinatawad taka dán tu kasalanan mo,’ oni ‘Tumaknág ka sakay lumakad ka dán.’?

Markos 2:6

Nadid te sangan a eskriba a mággetnod hod a nagisip ti konna he: