Markos 14:41 - U Maganda A Baheta Ni Jesu-Cristo

⁴¹ Tu katállo a sole ni Jesus ay kinagi na nide, “Tidug kam sakay umimang? Tama dán ina! Dummemát dán u odas a pángtokyon di nikán tu makasalanan hide a tolay.

Markos 14:41 Referans Kwoze

Markos 14:35

Immadeyo siya ti badit, tu disepulus na hide sakay dimmapa siya a nagdasal ani maare ay diyan na dán madanas u paghihirap a dumemát nikuna.

Markos 9:31

dipo tolduwan na u disepulus na hide. Kinagi na nide, “Hikán a Anak nu Tolay ay itokyunák de, ipabunuwák de, pero huwayák a mabiyag tu katállo a aldew.”

Juan 17:1

Nadid, tu pákkakagi ni Jesus ti iye hide a bagay ay timmangad siya ti langet sakay kinagi na, “Ama, dimmemát dán u odas. Parangalan mu dán u Anak mo, para parangalan nakabe.

Gimet 7:52

Ti deya beman a prupeta i awanay pinahirapan nu nunu moy hide? Binunu de u nánghula tu káddemát nu Banal a intokyon moy be sakay impabuno.

Juan 12:27

Kinagi ni Jesus, “Mabalisaák nadid. Kagiyán ku beman tu Ama a iligtasák na tu mággade-adene a pághirap? Awan, dipo iye u dahilan ni bakin katoyák he.”

Juan 12:23

Timmábbeg ti Jesus nide, “Dummemát dán u odas para parangalan u Anak nu Tolay.

Juan 8:20

Iye u kinagi ni Jesus nikuna a nagtoldu siya tu templo, tu adene tu págdáttonan ti alay. Pero awan ti nangdakáp dipo awan palla dimmemát u odas na.

Juan 7:30

Dipo ti kinagiyan itod hide ni Jesus ay gustu dán siya a dakáppán nu pinuno nu Judio hide, pero awan ti nangahas dipo awan na palla odas.

Markos 14:18

Mentaras a kuman hide ay kinagi ni Jesus: “Tandaan moy iye: te essa he nikam a katubang ko a kuman u mángtokyon nikán.”

Markos 14:10

Nadid, ti Judas Iscariote, a essa tu sapulo ay ti duwwa a disepulus ni Jesus ay immangay tu puno nu saserdote hide para itokyon na ti Jesus.

Markos 7:9

Sakay kinagi pa ni Jesus, “Mahusay kam tu awan moy págsunud tu utus nu Diyos para masunud moy la u kaugaliyan nu nuno moy hide!

Mateo 26:2

“Tukoy moy a duwwa a aldew dálla ay Kasayaan dán nu Aldew nu Pagtaleb Sakay itokyon u Anak nu Tolay para ipako tu kudus.”

Markos 14:40

Káttapos ay simmole a huway ti Jesus tu disepulus na hide sakay dinemáttan na dámman hide a tidug, dipo garabi u tongka de. Nikuna a malukag hide ay awan de tukoy ni ánya u kagiyán de ni Jesus.

Markos 14:42

Umikat kamon ta kadtamon atoy dán u tolay a mángtokyon nikán.”