Markos 13:33 - U Maganda A Baheta Ni Jesu-Cristo

³³ Kanya magingat kam sakay lagi a handa dipo awan moy tukoy ni nikan iye a mangyare.

Markos 13:33 Referans Kwoze

Efeso 6:18

Sakay palagi kam a magdasal tu Diyos a tulungan nakam, sakay diyan kam magpabaya nan ipagdasal moy u atanan nu mánnampalataya hide ni Cristo, sakay palagi moy a sunudán u pággiya nu Banal a Ispirito nikam tu págdasal moy.

Lukas 12:40

Dapat kam be a pirme a handa, dipo u Anak nu Tolay ay dumemát tu odas a awan moy asa-asaan.”

Pahayag 16:15

Sakay pinisan nu ispirito hide u hare hide tu lugar a dáddulawán a Armagedon, tu upos a Hebreo. (Iye u babala nikam nu Panginoon Jesus, kinagi na a, “Pakasanigán moy! Dumemátták a konna tu káddemát nu mágtakaw! Pinagpala u pirme a lukag sakay awan nageklas tu badu na; tán awan siya mepasanike a maglakad a eklas tu atubang nu katolayan!”)

1 Pedro 5:8

Pirme kam a humanda sakay magbantay dipo u kadima moy a ti Satanas ay dumahi-dahengding a kumán a liyon a magtágguwang a magehyok ti sangwabán na.

1 Pedro 4:7

Adene dán u katapusan nu atanan a bagay; kanya magpugád kam tu sadile moy sakay pirme a tama u pággisipan moy tánni awan ti hadlang tu págdasal moy.

Mateo 25:13

Kinagi ni Jesus “Kaya magbantay kam, dipo awan moy tukoy u aldew oni u panahon.”

Pahayag 3:2

Lumukag kamon, sakay pabegsákkán moy u nawahak nikam a pánnampalataya moy nikán, dipo ni awan ay matuluyan dán a matay. Dipo netan ko a awan palla karapat-dapat u gimet moy hide tu pangileng nu Diyos ko.

1 Corinto 16:13

Magin handa kam sakay magpakatatag tu pánnampalataya moy. Magpakatapang kam sakay magpakatibay.

Markos 13:23

Kanya magingat kam. Dipo impáppadipalongo ku dán nikam a ingkagi u atanan a bagay bagu a mangyare iye hide.”

Hebreo 12:15

Pakabantayan moy a awan adággen nu deya man nikam u pagmahal nu Diyos. Dyan kam magmula ti saket ni isip a makapangpadukás tu agum.

Roma 13:14

Ni awan, ahigán moy u halimbawa nu Panginoon Jesu-Cristo, sakay dyan moy sunudán u makamundu a kagustuwan nu pilas.

Colosas 4:2

Dyan kam magsasawa a magdasal. Ituun moy a pirme u isip moy tu págdasal sakay lagi kam a magpasalamat tu Diyos.