Markos 12:7 - U Maganda A Baheta Ni Jesu-Cristo

⁷ Pero nikuna a ketan nu mágmula hide u anak na ay kinagi de, ‘Sa itona u tagapagmana. Kamon he, bunuwán tam siya para me angay nikitam u atanan a manaán na.’

Markos 12:7 Referans Kwoze

Gimet 7:52

Ti deya beman a prupeta i awanay pinahirapan nu nunu moy hide? Binunu de u nánghula tu káddemát nu Banal a intokyon moy be sakay impabuno.

Gimet 5:28

Kinagi na, “Awan beman binawalan mikam a mangaral tu ngahan ni Jesus? Pero ilingán moy ginimet moye! Kimmalat dán tu intero a Jerusalem i itáttoldu moye, sakay gusto moy kami pa a pakasalananán tu kákkatay ni tolayan itod!”

Gimet 2:23

Sapul pa tu sapul ay tukoy dán nu Diyos a ti Jesus ay iyatád na nikam, kanya ayun tu karunungan na ay pinayagen na a impepako moy sakay pinabuno tu makasalanan hide a tolay.

Markos 12:12

Nikuna a matukuyan nu pinuno nu Judio hide a hide u páppatamaan ni Jesus ti talinghagaan itod ay gusto de a dakáppán ti Jesus. Pero manteng hide tu tolay hide. Kanya pinabayan di dálla ti Jesus, sakay limmakad hide.

Mateo 2:16

Nadid nikuna biyag padla ti Herodes sakay nakalakad dán di Jose ti Betlehem, natukuyan ni Herodes a naessaan siya nu bisita hide a gábwat ti Sikatan. Naiyamut siya a tahod. Kanya inutusan na u sundalo na hide a bunuwán de u atanan a anak a lállake a te idad a duwwa a taon sakay pababa a mágyan ti Betlehem sakay tu palebut na hide a lugar. U nagin giya na tu idad nu anak hide a bunuwán ay ayun tu natukuyan na a kinagi nu mágkalalake hide a tolay tu panahun nu kállitaw nu biton.

Mateo 21:34

Nikuna a dimmemát u panahon nu sákbudas, pinaangay na u utusan na hide para alapán di u kabunong na.

Markos 12:6

Hanggan a awan dán ti nabuhay nan u eessa na dálla a anak a pinakamamahal na. Kanya pinaangay na u anak na tu uma na. Ta u akala na ay igalang de siya.

Markos 12:8

Kanya sinunggaben de sakay binuno de, sakay káttapos ay imbut de tu luwas nu kaubasan u bangkay na.”

Hebreo 1:2

Pero nadid a dimodyan a aldew, ay nákpágguhon siya nikitam tu pamamag-itan nu Anak na a tagapagmana tu atanan a bagay. Sakay tu pamamag-itan na ay ginimet nu Diyos u buo a mundu sakay tu atanan a katoy he.