Markos 12:17 - U Maganda A Baheta Ni Jesu-Cristo

¹⁷ Kanya kinagi ni Jesus nide, “Iyatád moy tu hare u para tu hare, sakay iyatád moy tu Diyos u para tu Diyos.” Tu pákkasaneg de tu tábbeg na ay nagtaka hide.

Markos 12:17 Referans Kwoze

Roma 13:7

Kanya iyatád moy u dapat a iyatád. Magbayad kam tu buwes moy hide, igalang u dapat a igalang, sakay parangalan u dapat a parangalan.

1 Pedro 2:17

Igalang moy u atanan a tolay sakay mahalán u kákkapatkákka tam ni Cristo. Mabiyag kam a tehhod a ánteng tu Diyos sakay tehhod a pággalang tu Hare.

Roma 6:13

Dyan moy dán gamitán u hádya man a parte nu bággi moy tu pággimet ti kasalanan. Nan iyalay moy tu Diyos u sadile moy bilang tolay a inatádden ti bigu a biyag. Ilaan moy tu Diyos u bággi moy tu pággimet ti maganda.

Roma 12:1

Kanya ngane kákkapatkaka ko hide, kinagbiyan kam nu Diyos kaya mákpágguhunák nikam. Nadid a biyag kam palla, iparehu moy u biyag moy tu essa a alay a awan ti kapintasan a iyatád moy tu Diyos para págserbi nikuna mentaras biyag kam. Iye u makapangpasaya nikuna. Sakay iye u tatahoden a págsamba moy nikuna.

Mateo 22:46

Ni essa man nide ay awan ti makatábbeg nikuna. Sakay sapul hod awan dán ti nangahas a magtanung nikuna.

Mateo 22:22

Nagtaka hide nikuna nasaneg de iye sakay linumakad hide.

Markos 12:30

Kanya mahalán mo u Panginoon mo a Diyos ti buo mo a isip, buo a kaliduwwa, sakay tu buo mo a begsák!

Mateo 22:33

Sakay nikuna nasaneg iye nu tolay hide ay nagtaka hide tu toldo na.

Mateo 8:10

Nikuna nasaneg iye ni Jesus ay nagtaka siya tu kapitan. Sakay kinagi na tu tolay hide a umunonod nikuna “Kagiyán ku nikam a awanák padla naketa ti Israelita a kapareho nikuna a kadakál ti pánnampalataya.

Mateo 22:21

“Kan hare a Cesar,” tábbeg de. Sakay kinagi na nide, “Ni konna hod, iyatád moy ni hare a Cesar u para ni hare a Cesar sakay tu Diyos u para tu Diyos.”

Markos 12:16

Inangayan di ngane ti Jesus ti pilak. Sakay nagtanung ti Jesus, “Kándeya a ngahan sakay letrato u neukit heeh?” Timmábbeg hide, “Kán Cesar a hare ti Roma.”

Lukas 20:25

Kinagi ni Jesus nide, “Ni konna hod ay iyatád moy ni Cesar u para ni Cesar, sakay iyatád moy tu Diyos u para tu Diyos.”