Markos 10:1 - U Maganda A Baheta Ni Jesu-Cristo

¹ Nadid ay limmakad di Jesus ti Capernaum, immangay hide tu lugar a Judea, sakay immahabes ti Jordan. Makpal dámman a tolay u inumangay hod nikuna, sakay konna tu date na gággimitán, tinolduwan na hide.

Markos 10:1 Referans Kwoze

Juan 10:40

Nagsole ti Jesus tu dibilew nu dinom ti Jordan, tu lugar a pinagbawtismuwan tu itod ni Juan. Nágyan hod siya,

Markos 4:2

sakay tinolduwan na hide ti makpal a bagay tu pamamag-itan nu talinghaga. Konna he u kinagi na:

Juan 11:7

Káttapos nu duwwa a aldew ay kinagi na tu disepulus na hide, “Magsole kitam ti Judea.”

Markos 6:34

Káawas ni Jesus tu abang ay netan na u tunay ti káppal a tolay. Nahabag siya nide dipo kumán hide a tupa a awan ti pastol, kanya tinolduwan na hide ti makpal a bagay.

Mateo 4:23

Nadid immangay ti Jesus tu atanan a banuwan ti Galilea sakay nagtoldu tu sinagoga de hide. Intáttoldu na u Maganda a Baheta tungkol tu pághare nu Diyos. Sakay pinagpiyya na be u atanan a sakisaket nu tolay hide.

Juan 18:20

Timmábbeg ti Jesus, “Bulgaranák a magupos tu tolay hide. Pirmiyák a magtoldu tu Sinagoga hide, oni tu templo, ni hádya a magipun ipun u atanan a Judio hide. Awanák nagtoldu ti lihim.

Markos 6:6

Nagtaka siya dipo umád de a maniwala nikuna. Linebut ni Jesus u babaryo tu palebut sakay tinolduwan na u tagahod hide.

Markos 2:13

Ummangay a huway ti Jesus tu bihebi nu Minalno tu prubinsiya a Galilea. Tinagubet siya hod nu tuna't kakpal a tolay sakay tinolduwan na hide.

Mateo 26:55

Sakay inatubang na u tolay hide sakay kinagi, “Hikán beman ay tulisan a immangay kam he a te tawed a attak sakay batuta hide para dakápannák moy? Aldew aldew, hikán ay nagtoldo tu templo pero awannák moy dinakáp.

Markos 1:21

Nadid ay immangay hide ti Capernaum. Tu Aldew nu Káimang ay simmáddáp ti Jesus tu Sinagoga sakay nagtoldu.

Markos 6:2

Káddemát nu Aldew nu Káimang ay immangay ti Jesus tu sinagoga sakay nagtoldu hod. Kakpalan tu nágsaneg nikuna ay nagtaka hide sakay nagtanungan hide, “Hádya na wád a inalap i karunungan na e? Sakay ánya iye a karunungan a neatád nikuna? Kodya siya a makagimet ti makataka-taka a bagay?

Markos 10:2

Tu itod u Pariseo hide ay immangay hod nikuna para purbaan de siya. Kanya nagtanung hide, “Ayun beman tu Kautusan a hiwalayan nu lállake u kabanga na?”

Markos 12:35

Nadid, tu págtoldu ni Jesus tu Templo ay tinanung na u tolay hide, “Bakin a kákkagiyán nu tagapagtoldu hide tu Kautusan a u Cristo ay anak ni David?

Markos 14:49

Aldew-Aldiwák a magtoldu tu Templo. Bakin awanák moy hod dinakáp? Pero kailangan a matupad u kinagi nu prupeta tu Kasulatan nu Diyos.”