Lukas 9:5 - U Maganda A Baheta Ni Jesu-Cristo

⁵ Ni mara awan dikam be tanggapán ti itona a banuwan ay lumakad kam hod. Bagu kam a humektat ay ipagpag moy pa u alikabuk nu tika-tikád moy, bilang paalaala kontara nide.”

Lukas 9:5 Referans Kwoze

Gimet 18:6

Nikuna kinontara de siya sakay ininsulto ay impagpag na u alikabuk tu badu na, bilang babala nide. Kinagi na, “Kasalanan moy dán ina ni mepahamak kam! Awanák dán ti pananagutan nikam! Sapul nadid ay hedák dán mangaral tu Hentil hide.”

Gimet 13:51

Kanya impagpag nu duwwa u alikabuk tu tikád de ti itod a banuwan bilang tanda a awan dán hide ti pananagutan nide, sakay immangay hide ti Iconio.

Markos 6:11

Ni umád dikam a tanggapán oni awan kam sanigán nu tolay hide tu essa a lugar ay lumakad kam hod sakay ipagpag moy u alikabuk tu tikád moy, tanda itod a parusaan hide nu Diyos tu awan de pánniwala nikam.”

Lukas 10:16

Ni deya man u mangsaneg nikam ay hikán i sinaneg diyay sakay u awan mangtanggap nikam ay hikán i awan diyay tinanggap. U awan mangtanggap nikán ay awan di be tinanggap u nangutus nikán a umangay he.

Lukas 9:48

Sakay kinagi na nide, “Ni deya man u mangtanggap ti anakan iye alang-alang nikán ay hikán u tinanggap na, sakay ni deya man u mangtanggap nikán ay mangtanggap be tu nangutus nikán a umangay he. U mapagpakumbaba nikam a atanan ay siya u pinakadakila.”

Markos 9:37

“Ni deya man u mangtanggap ti anakáy a konna he dipo nikán ay tinanggapák na sakay u mangtanggap nikán ay tumanggap be tu ama a nángpaangay he nikán.”

Lukas 5:14

Sakay kinagiyan siya ni Jesus, “Dyan mo iye kagi-kagiyán maskin deya. Nan angay mo ipeta tu saserdote hide sakay magalay ka sigun tu inyutus ni Moises. Sa iye mángpatunayay tu tolay hide a nagpiya ka dán.”

Mateo 10:18

Dipo disepulus takam ay ikaso di kam be tu gubernador sakay tu hare hide. Siya dán itod u odas moy a magbahagi nide sakay tu awan hide Judio tungkul nikán.

Lukas 9:4

Sakay máktulos kam tu bilay a mangtanggap nikam, sakay mágyan kam hod mentaras a awan kam pálla lumakad ti banuwanan itod.