Lukas 8:50 - U Maganda A Baheta Ni Jesu-Cristo

⁵⁰ Pero tu pákkasaneg ni Jesus ay kinagi na ni Jairo, “Dyan ka mabalisa. Manalig kala a magpiya siya.”

Lukas 8:50 Referans Kwoze

Juan 11:40

Kinagi ni Jesus nikuna, “Awan beman kinagi ko dán niko a ni maniwala ka ay ketan mo u kapuriyan nu Diyos?”

Juan 11:25

Kinagi ni Jesus nikuna, “Hikán u mangbiyag tu patay hide, sakay hikán be u mangatád ti biyag. U maniwala nikán, maski ni matay ay huway a mabiyag.

Markos 5:36

Pero awan pinansin ni Jesus u kinagi de. Nan kinagi na ni Jairo, “Dyan ka manteng, sumampalataya ka la.”

Lukas 8:48

Kinagi na nikuna, “Anak, pinagpiyya ka nu pánnampalataya mo. Sole ka dán a tehhod a kapayapaan.”

Roma 4:17

Konna he u kinagi na tu Kasulatan, “Ginimet taka a ama nu makpal a bansa.” Iye a pananto ay tehhod a bisa tu atubang nu Diyos a panaligan na, u Diyos a nangbiyag tu patay hide sakay manglalang tu atanan a bagay a awan palla.

Markos 9:23

Tinábbeg siya ni Jesus, “Bakin a na kagi mo a tehhodák a magimet? Mangyare u atanan para tu tolay a maniwala tu Diyos.”

Roma 4:20

Awan siya nagduwwa-duwwa tu pananto nu Diyos, nan mas lalo pa siya a tinumibay tu pánnampalataya na sakay nagpure tu Diyos.

Lukas 8:51

Káddemát ni Jesus tu bilay ni Jairo ay awan na ingkuyog u agum tu sáddáp nan di Pedro, Juan, Santiago, tama na sakay tena na la nu madiket.