Lukas 7:22 - U Maganda A Baheta Ni Jesu-Cristo

²² Sakay timmábbeg siya nide, “Sole kamon tu kán Juan sakay kagiyán moy nikuna u netan sakay nasaneg moy. Naketa dán u buhák hide, makalakad dán u pilay hide, nagpiyya dán u kinetong hide, makasaneg dán u bángngág hide, nabiyag dán a huway u patay hide sakay nepangaral dán u Maganda a Baheta tu mágkahirap hide.

Lukas 7:22 Referans Kwoze

Lukas 4:18

“Katoy nikán u Ispirito nu Panginoon, dipo hikán u pinile na a mángpakapospos tu Maganda a Baheta tu mágkahirap hide a tolay. Inutusanák na para ikagi tu pireso hide a malaya dán hide, sakay konna bi hod, u buhák hide ay maketa dán. Inutusanák na para palayaán u áapi-apiyán hide,

Santiagu 2:5

Mahal ko hide a kákkapatkákka, mágsaneg kam! Awan beman pinile nu Diyos u mágkahirap hide ti munduwan iye tánni magin mayaman ti pánnampalataya, sakay magin tagapagmana tu kahariyan a impananto na tu atanan a magmahal nikuna?

Mateo 21:14

Te buhák sakay pilay hide a inyangay de ni Jesus tu templo sakay pinagpiyya na hide.

Gimet 26:18

Paangayán taka ti itod hide a tolay tánni mabukasan u mata de. Sakay mesole hide tu demlag gábwat tu kadiklámman, tánni meligtas hide tu kapangyariyan ni Satanas sakay isole tu Diyos. Tu pamamag-itan nu pánniwala de nikán ay mapatawad hide tu kasalanan de hide sakay mebilang hide tu pinile hide nu Diyos!’

Lukas 7:21

Ti odasan itod ay makpál u pinagpiyya ni Jesus: a te saket, u hinayup hide sakay u buhák hide ay maketa.

Gimet 8:7

Maski u mágkadukás hide a Ispirito ay lummakad tu tolay hide a hinayup, sakay makán pakhawán a paluwas. Sakay makpal a lopog sakay pilay u nagpiyya.

Juan 1:46

Kinagi nikuna ni Nataniel, “Tehhod beman a maganda a maggábwat ti Nazaret?” Timmábbeg ti Felipe, “Kadon he ta ilingán mo.”

Mateo 11:5

Ikagi moy a maketa dán u buhák. Makalakad u pilay. Nagpiyya u te ketong. Makasaneg dán u bángngág. Nabiyag u patay sakay natolduwan dán u pobre hide tu maganda a baheta.

Lukas 7:23

Pinagpala u tolay a awan magduwwa-duwwa nikán.”