Lukas 6:24 - U Maganda A Baheta Ni Jesu-Cristo

²⁴ Pero kakagbi kam a mágkayaman hide nadid, Dipo natamasa moy dán u kaginhawaan.

Lukas 6:24 Referans Kwoze

1 Timoteo 6:17

Itoldu mo tu mágkayaman a dyan magmadakál sakay dyan umasa tu kayamanan a lumipas. Nan tu Diyos la a mángngatád tu atanan a bagay a ikasaya tam.

Mateo 6:2

Kanya ni mangatád kam tu mágkahirap hide ay dyan moy ihambug tu agum. Ina u gággimitán nu mapagkunware hide a tolay tu sinagoga hide sakay tu kakarsada tánni puriyán hide nu katolayan. Ikagi ko nikam a talaga natanggap di dán u gantimpala de. Awan dán hide ti gantimpala a gábwat tu Diyos.

Santiagu 2:6

Pero bakin a imemenos moy la u mágkahirap hide? Awan beman u mágkayaman hide u mangape-ape nikam sakay mángkaso nikam?

Mateo 6:16

Sakay kinagi pa ni Jesus “Ni magkulasyon kam ay dyan moy ipeta a malungkut kam konna tu gággimitán nu mapagkunware hide. Awan dán hide magayus tu sadi-sadili de tán matukuyan nu agum a nagkulasyon hide sakay puriyán de hide. Kagiyán ku nikam a talaga natanggap di dán u gantimpala de hide.

Mateo 6:5

Sakay kinagi pa ni Jesus “Ni magdasal kam ay dyan moy ahigán u gimet nu mapagkunware hide. Gugustu de a magdasal a nakataknág tu sinagoga sakay tu kakarsada tánni ketan hide nu katolayan. Ikagi ku nikam a talaga naalap di dán u gantimpala de.

Lukas 6:25

Kakagbi kam a bássog hide nadid, dipo aláppán kam! Kakagbi u mágtatawaán hide nadid, Dipo maglungkut sakay magsasangitán kam!