Lukas 6:14 - U Maganda A Baheta Ni Jesu-Cristo

¹⁴ Iye hide u ngaha-ngahan de, ti Simon a nginahanan ni Jesus a Pedro, sakay ti Andres a wadi ni Pedro, di Santiago, Juan, Felipe, Bartolome,

Lukas 6:14 Referans Kwoze

Gimet 1:13

Káddemát de ti Jerusalem, ay simmangkay hide ti ontok a kuwarto tu bilay a táttulusan de. Iye hide ay di Pedro, Juan, Santiagu, Andres, Felipe, Tomas, Bartolome, Mateo, Santiagu a anak ni Alfeo, Simon a makabayan, sakay ti Judas a anak ni Santiago.

Mateo 4:21

Tulos hide a naglakad tu digdig nu minalno sakay netan di Jesus u matkaka a lállake a di Santiago sakay ti Juan a anak ni Zebedeo. Hod hide sakay tu ama de tu abang de a magayuma tu gila de. Inakit be hide ni Jesus a magin disepulus na.

Mateo 4:18

Nadid tu páglakad ni Jesus tu digdig nu minalno nu Galilea, ay netan na u duwwa a lállake a magsabud dipo mángngikan hide. Matkaka u duwwa, u ngahan nu essa ay ti Simon, u palayaw na ay Pedro sakay u essa ay ti Andres.

2 Pedro 1:1

Hikán ti Simon Pedro a apostol sakay tagapagserbi ni Jesu-Cristo. Iye a sulat ay para tu atanan a tummanggap ti pánnampalataya a mahalaga. I pánnampalatayaan iye ay inyatád nikitam ni Jesu-Cristo a Diyos tam sakay tagapagligtas, dipo matuwid siya.

Gimet 12:2

Pinaputol na u ulo ni Santiagu a ákka ni Juan tu pamamag-itan nu áttak.

Juan 14:8

Kinagi ni Felipe nikuna, “Panginoon, ipeta mu ped nikame u Ama, tán tama dán nikame.”

Juan 6:8

Kinagi nu essa tu disepulus na hide a ti Andres a kapatkakka ni Pedro,

Juan 6:5

Nikuna a natannaw ni Jesus u makpal a tolay a paadene nikuna ay tinanung na ti Felipe, “Hádya kitam a makabale ti makan para makakan i tolayan iye hide?”

Juan 1:45

Nadid ay inehyok ni Felipe ti Nataniel sakay kinagi na nikuna, “Netan mi dán u tolay a kinagi ni Moises a insulat na tu Kautusan, sakay konna be tu insulat nu prupeta hide. Siya ay ti Jesus a taga-Nazaret a anak ni Jose.”

Lukas 5:10

konna bi hod di Santiago ay ti Juan a anak ni Zebedeo a kasosyo ni Simon. Kinagi ni Jesus ni Simon, “Dyan ka manteng! Sapul nadid ay bakán dán a ikan alapán muway nan magakit ka dán ti tolay a maniwala nikán.”

Lukas 5:8

Pákketa ni Simon Pedro tu nangyare ay limmuhud siya tu atubang ni Jesus sakay kinagi na, “Adeyuwanák mo Panginoon, dipo makasalananák a tolay.”

Markos 14:33

Ingkuyog na di Pedro, Santiago, sakay ti Juan. Nadid, nabalisa siya a tahod.

Markos 9:2

Kállipas nu ánnám a aldew ay simmangkay ti Jesus tu essa a malangkaw a buked. Awan siya ti agum a kinaguman nan di Pedro, Santiagu sakay ti Juan la. Nikuna hed hide hod ay netan de a nagbagu u idsura ni Jesus.

Markos 5:37

Sakay awan pinayagen ni Jesus a mákkuyog u katolayan maliban di Pedro sakay u matkaka a di Santiago ay ti Juan.

Markos 1:29

Nadid, kálluwas di Jesus sakay tu disepulus na hide, kaguman di Santiago sakay ti Juan, tu Sinagoga ay nagdiretso hide tu bilay di Simon ay ti Andres.

Markos 1:19

Nagdiretso la siya tu páglakad na, awan palla siya nakaadeyo ay netan na u matkaka a di Santiago ay ti Juan, a anak ni Zebedeo. Katoy hide tu abeng de a magayuma tu pante de.

Mateo 10:3

ti Felipe sakay ti Bartolome, ti Tomas sakay ti Mateo a taga kolekta ti buwes, ti Santiago a anak ni Alfeo sakay ti Tadeo,

Mateo 10:2

Sa iye u ngahangahan nu sapulo ay ti duwwa a disepulus a nginahanan na be hide a apostol na: U purumero ay ti Simon, u palayaw na ay Pedro, ti Andres a kapatkákka ni Pedro, ti Santiago sakay ti Juan a anak ni Zebedeo,

Markos 3:16

Sa iye u disepulus na hide a pinili na: Ti Simon a ngángngahanan na a Pedro,

Lukas 6:13

Sakay tu kadimadimangan ay dinulawan na u disepulus na hide, sakay nangpile siya ti sapulo ay ti duwwa nide. Sakay nginahanan na hide a apostol na.

Lukas 6:15

Mateo, Tomas, sakay ti Santiago a anak ni Alfeo, ti Simon a makabayan,