Lukas 24:44 - U Maganda A Baheta Ni Jesu-Cristo

⁴⁴ Káttapos ay kinagi na nide, “Iye u gusto ko a tumbukán nikuna kagiyán ko nikam tu itod pa nikuna a kakagumanák moy padla; a kailangan a matupad u atanan a nesulat tungkul nikán tu Kautusan ni Moises, sakay tu insulat nu prupeta hide, sakay tu libro nu Kansiyon hide.”

Lukas 24:44 Referans Kwoze

Gimet 13:33

Tinupad na dán itod nadid tu pangbiyag na a huway ni Jesus. Konna tu nakasulat tu libro nu Kansiyon: ‘Hiko u Anak ko, Sakay nadid hikán dán u Ama mo.’

Lukas 9:22

Kinagi na pa nide, “Magtiis pa ti dakál a hirap u Anak nu Tolay. Itakwil siya nu puno nu Judio hide, u puno nu saserdote hide sakay u maisto hide nu Kautusan. Ipabuno di siya pero biyagán siya a huway nu Diyos tu katállo a aldew.”

Pahayag 19:10

Limmuhudák tu atubang na para sumamba nikuna, pero kinagi na nikán, “Dyan mo ina gimitán! Dipo kaparehuwák mu labe a tagapagserbi, konna tu kákkapatkákka hide a nagpahayag tungkul ni Jesus. U Diyos u dapat mo a sambaán! Dipo u tatahoden a intoldu ni Jesus ay impahayag nu prupeta hide tu pamamag-itan nu kapangriyan nu Banal a Ispirito.”

Hebreo 10:1

U Kautusan ay mage-anino la, bakán a tatahoden a letrato nu mágkaganda a bagay a dumemát. Awan iye mangpabanal tu umadene hide tu Diyos a magalay kada taon.

Juan 5:46

Dipo ni tatahoden a naniwala kam ni Moises, nakwan ay maniwala kam be nikán, dipo mismo ti Moises ay nagsulat tungkul nikán.

Hebreo 9:8

Ti iye a ayus na ay malinaw a ipakapospos nu Banal a Ispirito a u dilan a patamo tu Lugar a Kabanalan ay awan palla bukas mentaras a mágtaknág palla u date a tolda a págsambaan.

Juan 5:39

Mággaadalán kam tu Kasulatan, ta akala moy a tu pamamag-itan ni iye ay magkahod kam ti biyag a awan ti kahád. U Kasulatan a mismo u mangpatunay tungkul nikán,

Juan 3:14

Sakay ni kodya a inlangkaw ni Moises tu itod u ulag tu kaparangan, konna bi hod, nikán a Anak nu tolay ay dapat be a ilangkaw,

Lukas 24:46

Sakay kinagi na nide, “Konna he u nesulat, ‘Kailangan a maghirap sakay matay u Cristo sakay mabiyag a huway tu katállo a aldew.’

Hebreo 7:1

Ti Melquisedek ay hare ti Salem sakay saserdote nu Kataasan a Diyos. Nikuna a pasole dán ti Abraham a gábwat tu págpuksa tu hare hide ay tinagbu siya ni Melquisedek sakay kinagi na, “Pagpalaán ka nu Panginoon.”

Hebreo 3:5

Nagin matapat ti Moises tu pámmahala na tu pinile hide nu Diyos bilang essa a tagapagserbi. U atanan a bagay hide a ginimet na ay mage-anino la nu bagay hide a ipahayag nu Diyos tu dumemát a panahun.

Gimet 7:37

Siya labe u Moises a nagkagi tu Israelita hide, ‘U Diyos ay mangpaangay he nikam ti essa a prupeta a kapareho ko a naggábwat tu lahe moy.’

Lukas 22:37

Sanigán moy kagiyán kuwáy, kailangan a matupad dán nadid u sumássulat tu Kasulatan tungkul nikán, ‘Inbilang de siya a essa tu makasalanan hide.’ Dipo u nesulat tungkul nikán ay matupad dán nadid!”

Lukas 21:22

Dipo itod dán u págparusa a aldew, tánni matupad u sumássulat tu Kasulatan.

Lukas 9:44

“Pakasanigán moy sakay pakatandaan i kagiyán kuwáy: u Anak nu Tolay ay itokyon nu tolay hide sakay masakup nu kapangyariyan nu tolay hide.”

Mateo 26:56

Pero nangyari iye a atanan tánni matupad u insulat nu propeta hide tu Kasulatan.” Káttapos ay ginuminan u disepulus na hide sakay inwahak di siya a maggeessa.

Mateo 26:54

Pero kodya a matupad u nesulat tu Kasulatan a dapat iye a mangyare?”

Mateo 16:21

Sapul hod ay impakapospos dán ni Jesus tu disepulus na hide a kailangan siya a umangay ti Jerusalem. Magdanas siya hod ti makpal a hirap tu kamát nu pinuno nu banuwan, pupuno nu saserdote hide sakay tu maisto hide nu Kautusan ni Moises. Sakay ipabuno de pa siya pero tu katállo a aldew ay huway siya a mabiyag.

1 Pedro 1:11

Kinagi dán nide nu Banal a Ispirito a ti Cristo ay maghirap pa bagu na a matanggap u karangalan. Inadal de ti husto ni nikan sakay ni kodya iye a mangyare.

Gimet 3:18

Dipo tu ginimet moy ay natupad dán u inpahayag nu Diyos tu pamamag-itan nu prupeta hide tu itod a kailangan a maghirap ti Cristo.

Markos 9:31

dipo tolduwan na u disepulus na hide. Kinagi na nide, “Hikán a Anak nu Tolay ay itokyunák de, ipabunuwák de, pero huwayák a mabiyag tu katállo a aldew.”

Mateo 1:22

Atananan iye ay nangyari para matupad u kinagi nu Panginoon tu tolay tu itod tu pamamagitan nu propeta na.

Gimet 2:27

Dipo tukoy ko a awan mo pabayan u kaliduwwa ko tu lugar nu kaliduwwa nu nágkatay dán hide. Awan mo be pabayan a mahunot u banal mo a tagapagserbi.

Gimet 13:40

Kanya magingat kam tánni awan mangyare nikam u kinagi nu prupeta hide,