Lukas 23:5 - U Maganda A Baheta Ni Jesu-Cristo

⁵ Pero impilit de a kinagi, “Tinolduwan na u atanan a taga-Judea a kontraán u gubiyerno tam. Nagsapul siya ti Galilea hanggan dán heeh.”

Lukas 23:5 Referans Kwoze

Juan 2:11

I nangyariyan iye ti Cana tu prubinsiya ni Galilea u kadipalonguwan a makataka-taka a ginimet ni Jesus. Sakay ti iye a ginimet na ay impeta na u kapangyariyan na, sakay naniwala nikuna u disepulus na hide.

Juan 1:43

Nadid, tu sumunud a aldew ay naisip ni Jesus a umangay ti Galilea. Káddemát na hod ay netan na ti Felipe kanya kinagi na nikuna, “Mákkuyog ka nikán.”

Markos 1:14

Nikuna a nepireso ti Juan ay immangay ti Jesus ti Galilea sakay nagtoldu hod siya tu Maganda a Baheta a gábwat tu Diyos.

Mateo 4:23

Nadid immangay ti Jesus tu atanan a banuwan ti Galilea sakay nagtoldu tu sinagoga de hide. Intáttoldu na u Maganda a Baheta tungkol tu pághare nu Diyos. Sakay pinagpiyya na be u atanan a sakisaket nu tolay hide.

Gimet 23:10

Sakay nikuna mainit dán u pamagtalu-talo de ay nanteng u puno nu sundalo hide a makay matay ti Pablo dipo pamágpáttangan nu magdilupot a grupo, kanya inutusan na u sundalo hide, sakay impaangay na ti Pablo sakay impesáddap na tu kampo.

Gimet 10:37

U Maganda a Baheta ay nepangaral tu buo a Judea, sapul ti Galilea káttapos a mepangaral ni Juan u tungkul tu bawtismo.

Gimet 7:57

Pinálládden de u talinga de sakay minagpákhawan; káttapos ay sabay-sabay hide a simmunggab nikuna.

Gimet 7:54

Nikuna masaneg iye nu katolayan ay minagngahitáb hide dipo tu iyamut de ni Esteban.

Gimet 5:33

Nikuna nasaneg de u kinagi ni Pedro ay tunay u iyamut nu miyembro nu Sanedrin, sakay gusto de a ipabuno u apostol hide.

Juan 19:15

Pero nagpákhawan u Judio hide, “Bunuwán siya! Ipako siya tu kudus!” Kinagi ni Pilato nide, “Ipako ko beman tu kudus u hare moy?” Timmábbeg u puno nu Saserdote hide, “Awan kame ti iba a hare nan u hare tam ti Roma!”

Juan 7:52

Tinábbeg de ti Nicodemo, “Taga-Galilea ka beman be? Adalán mo u Kasulatan, para ketan mo a awan ti propeta a maggábwat ti Galilea.”

Juan 7:41

Kinagi be nu agum, “Ay siya dán u Tagapagligtas!” Pero tehhod be a nagkagi, “Bakán a siya u Tagapagligtas, dipo awan maare a gumábwat ti Galilea u Tagapagligtas.

Lukas 23:23

Pero lalu de a inpilit sakay impákhaw a dapat a mepako siya tu kudus. Tu katapusan ay awan nakasuway ti Pilato nide,

Lukas 11:53

Sakay limmakad ti Jesus ti lugaran itod. Sapul hod ay naiyamut dán nikuna u maisto hide nu Kautusan sakay u Pariseo hide. Tináttanung di siya tungkul tu sari-sare a bagay,

Mateo 27:24

Nikuna a netan iye ni Pilato a awan siya ti magimet sakay makay magkagulo pa u tolay hide ay nagpaalap siya ti dinom sakay nagguges tu kamát na tu atubang nu tolay hide. “Awanák ti pananagutan ti kákkatay ni tolayan iye. Bahala kamon!” kagi ni Pilato.

Mateo 2:1

Nadid tu panahun ni Hari Herodes, káttapos a neenak ti Jesus tu banuwan a Betlehem a sakup nu Judea ay te dummemát a sasangan a mágkalalaki a tolay ti Jerusalem a gábwat ti Sikatan.

Mateo 11:1

Nadid nikuna natapos dán a nagtoldo ti Jesus tu sapulo ay ti duwwa na a disepulus ay linakaden na itona a banuwan sakay immangay siya tu ibaiba pa a banuwan ti Galilea para magtoldu.

Lukas 23:6

Nikuna masaneg iye ni Pilato, ay tinanung na ni taga-Galilea beman ti Jesus.